Genesis 8:1 - Manobo Western Bukidnon OT

¹ Wazà melipati te Megbevayà si Noe wey is duma zin he menge langgam he zutun te seled te arka. Umbe impepengeramag din kayi te kelibutan ne midnaneynaney mebmevavew is wahig.

Genesis 8:1 ပူးပေါင်းရင်းမြစ်များ

Genesis 19:29

Wazà melipati te Nengazen is kebpekid-uyun din diyà te ki Abraham, su zutun te kedèdeeti zin te menge inged diyà te suǥud he zutun med-ubpà si Lot, impepelaǥuy zin si Lot su wey kenà meragkes.

Genesis 30:22

Si Raquel ne wazà daan melipati te Megbevayà. Midtavak din daan is pengemuyù din he mekaanak daan sikandin.

Genesis 9:10

wey is minsan hengkey he linimbag ku he egeǥehinawa he zuma niw keniyan te arka, is menge tagbis, is menge ayam, is menge leew he menge langgam, wey is minsan hengkey zaan he linimbag ku zini te kelibutan.

Nehemias 13:14

Ne zutun mid-ampù a, ke siak te, “He Megbevayè ku, tentenuzi a wey kenè nu lipati is menge meupiya he mibeelan ku para te valey nu wey te menge vuluhaten kayi.”

Nehemias 13:22

Ne mibmenduan ku is menge Levihanen he mebpekelumpiyu zan, ne ventayi zan is menge pultahan su para isipa te menge etew he segradu he andew is Andew te Kedhimeley. Ne zutun mid-ampù a, ke siak te, “He Megbevayè ku, is-isipa nu heini is mibeelan ku, ne kehizuwi a kenikew sumalà te kezekelà te gaǥew nu.”

Nehemias 13:29

Ne zutun mid-ampù a, ke siak te, “He Megbevayè ku, kenè nu vey-ani zà sikandan tenged te kebpekehegkapa zan te kegkememumuhat dan wey menge penangdù dan dutun te kegkememumuhat dan wey kegke-Libihanen dan.”

Nehemias 13:31

Midsiguru ku zaan he sikan is menge idtavun he para te kebpemuhat ne kenà melimpasi is ked-uwita zuen, ragkes is menge egkehuna he egkeraǥun. Ne zutun mid-ampù a, ke siak te, “He Megbevayè ku, tentenuzi a kenikew wey tuvazi a.”

Job 12:15

Emun edsebpengan din is uzan, ebmemaza is tanà, emun ebpesegdanen din is uzan, edalem ne egkezeetan is tanà.

Job 14:13

“He Nengazen, deyzey ke id-eles a kenikew ziyà te lugar te menge minatey taman te egkaawà is pauk nu, ne edteleenen nu is timpu he edtentenuzan a kenikew zutun he lugar.

Salmo 105:42

Ne mibeelan heini te Megbevayà is langun su wazè din lipati sikan is insaad din diyà te ki Abraham te suluǥuen din.

Salmo 106:4

Nengazen, elin a kenikew tentenuzi emun edtevangan nu is menge etew nu; ne libriya a zaan ke edlibriyen nu sikandan,

Salmo 115:12

Edtentenuzan kiw te Nengazen, ne edtuvazan kiw zin. Edtuvazan din is menge etew te Israel ragkes en is menge kevuwazan ni Aaron.

Salmo 132:1

Nengazen, kenè nu lipati si David wey is langun he elentusen din.

Salmo 136:23

Netenuzan kiw zin hein kenà meupiya is kebpekesavuk tew. Wazà pidtemanan te ǥaǥew zin.

Salmo 137:7

Tentenuzi nu, Nengazen, is mibeelan te menge Edomnen hein mid-aǥew te menge tig-Babilonia is Jerusalem. Migkaǥi zan te, “Purungi niw heeyan bengkaǥa.”

Salmo 29:10

Is Nengazen iyan ebmandù te zalem te menge wahig; iyan sikandin kes hadì he ebmandù te wazà pidtemanan.

Salmo 36:6

Is ketazeng nu, ne melig-en; igkepetug-iring te metikang he menge vuntud. Is hustu he kedhukum nu, ne kenà egketegkad; igkepetug-iring te mezalem he zaǥat su kenà egketegkad. Ed-eturen nu, Nengazen, is menge etew wey menge langgam.

Exodus 14:21

Ne migketeng ni Moises is belad din diyà te zivavew zutun te zaǥat, ne zutun te tivuuk he kezukileman impehiyup te Nengazen haazà is daǥat te mevandes he keramag he ebpuun diyà te edsilaan ne zutun nevahin is daǥat ne neluwisan is nezalandalan he tanà diyà te zizalem dutun te zaǥat.

Exodus 15:10

Piru senge pedhiyup nu zà ne nengelened sikandan te zaǥat. Neiring sikandan te timeǥà he inteledted diyà te mezalem.

Exodus 2:24

Nezineg te Megbevayà is dag-es dan, ne netenuzan din is paaǥi te kebpekid-uyun din diyà te ki Abraham, ki Isaac, wey ki Jacob.

Erubasa 25:23

Is keramag he ebpuun diyà te zizaya ed-uwit te uzan, ne iring dutun is etew he pereituk su ed-uwit te tudtul he igkesavà.

Isaias 44:27

Emun edsuǥuen ku is wahig he edtudà he mebpekemaza ne egkemezahan heini.

Jeremias 50:38

Ne egkemezahan is langun he menge wahig din. Su is Babilonia lugar he mahabet is menge ed-ezapen duen ne netazin is isip te menge etew kayi te mekeharatharat he menge ed-ezapen.

Amos 8:7

Umbe, nenangdù is Nengazen, kes Megbevayà he impahambug niw te menge kevuwazan ni Jacob, ke sikandin te, “Kenè ku edlipatan is langun he kelelalung he mibeelan niw.

Jonas 4:11

Ne iyan e pa kenà mehizu te Nineve, keniyan te inged he zuen duen subra he 120,000 he menge etew he wazè dan hanew zuen te kesuǥuan ku, ne zuen pa mahabet he menge uyaǥen?”

Nahum 1:4

Pinaaǥi te kebmandù din ne egkemezahan is menge zaǥat wey menge wahig, egkengeǥangu is menge pinemula ziyà te Bashan, diyà te Buntud he Carmel, wey ziyà te Lebanon.

Habakuk 3:2

“He Nengazen, nezineg ku is menge mibeelan nu, ne tenged kayi utew zekelà is kedtehuza ku kenikew. Ne ǥuntaan umani nu heini veeli kayi te kenami he timpu. Ne zutun te timpu te kebpaahaa nu te pauk nu ne kehizuwi key kenikew.

Zacarias 10:11

Edleyunen dan is ebpemaǥel he zaǥat piru ed-engked is menge vaǥel. Minsan is Wahig he Nilo ne egkemezahan. Is gelbuwen he Asiria ne ibpekevavà. Ne is gehem te Ehipto egkahanew.

Numero 10:9

“Emun diyè kew en te tanè niw, ne ebpekidtebek kew te menge kuntada niw he edrasey keniyu, ipezaǥing niw is menge trumpita su para siak is Nengazen he Megbevayè niw, egketenuzan ku sikiyu ne edlibriyen ku sikiyu te kedezaat te menge kuntada niw.

Numero 22:32

Mid-insà kandin haazà is belinsuǥuen te Nengazen, “Maan is ketetelu nu en penlegkuta is asnu nu? Midhengkayi a te ked-alang kenikew su mezaat diyà te etuvangan ku is baal nu.

1 Samuel 1:19

Meselem utew zutun te sunud he andew, mid-enew si Elkana wey is tivuuk he pemilya zin ne mid-azap dan is Nengazen. Ne human dan med-ulì diyà te ubpaan dan he Rama. Ne midhulizan ni Elkana si Hana ne midtavak te Nengazen is menge pengemuyù ni Hana he ebeǥayan sikandin te anak.