Genesis 7:3 - Manobo Western Bukidnon OT

³ Ne kuwa ka zaan te ebpemenlayang diyà te hewhewanan, he pitu he perisan ne ipeseled nu ziyan su wey zuen egkesamà he egkevuwad diyan te kelibutan.

Genesis 7:3 ပူးပေါင်းရင်းမြစ်များ

Genesis 6:20

Is menge tagbis daan sumalà is kelasi zan wey is menge langgam sumalà daan is kelasi zan wey is menge keranapranap daan sumalà is kelasi zan, tig-dezuwa te langun dutun is edhendiyan te kenikew su wey kenè dan melimas.

Genesis 7:2

Ipeseled nu zaan dutun is pitu he perisan te langun he menge langgam he lumpiyu. Ne haazà is menge langgam he kenà lumpiyu senge paris dà mulà is ibpeseled nu.

Genesis 7:4

Su egkepasad is pitu he andew puun guntaan, ibpeuzanan ku is tivuuk he kelibutan, taman te 40 he andew wey 40 he kezukileman, su wey melimas is minsan hengkey he egeǥehinawa he linimbag ku.”

Genesis 7:8

Sumalà te insuǥù te Megbevayà ki Noe, impeseled din diyà te arka is tigsenge perisan te langun he menge langgam he lumpiyu wey kenà lumpiyu he midhendiyà te kandin.

Genesis 8:20

Ne mibaal si Noe te pemuhatà para te Nengazen. Ne migkuwa zin dutun te menge langgam is lumpiyu ragkes daan is kada kelasi te menge lumpiyu he tagbis, ne midtutung din heini zutun te pemuhatà he iyan pemuhat para te Nengazen.