Genesis 7:2 - Manobo Western Bukidnon OT

² Ipeseled nu zaan dutun is pitu he perisan te langun he menge langgam he lumpiyu. Ne haazà is menge langgam he kenà lumpiyu senge paris dà mulà is ibpeseled nu.

Genesis 7:2 ပူးပေါင်းရင်းမြစ်များ

Genesis 7:3

Ne kuwa ka zaan te ebpemenlayang diyà te hewhewanan, he pitu he perisan ne ipeseled nu ziyan su wey zuen egkesamà he egkevuwad diyan te kelibutan.

Genesis 7:8

Sumalà te insuǥù te Megbevayà ki Noe, impeseled din diyà te arka is tigsenge perisan te langun he menge langgam he lumpiyu wey kenà lumpiyu he midhendiyà te kandin.

Genesis 8:20

Ne mibaal si Noe te pemuhatà para te Nengazen. Ne migkuwa zin dutun te menge langgam is lumpiyu ragkes daan is kada kelasi te menge lumpiyu he tagbis, ne midtutung din heini zutun te pemuhatà he iyan pemuhat para te Nengazen.

Ezekiel 44:23

Kinahanglan he ebpenuruen dan is menge etew ku ke hengkey is segradu wey ke hengkey is kenà segradu, ke hengkey is lumpiyu wey meremerik.

Leviticus 10:10

Ereg he egketuenan niw ke hengkey is para te Nengazen wey para te langun, is lumpiyu wey meremerik.