Genesis 7:11 - Manobo Western Bukidnon OT

¹¹ Mibpenuiǥen dutun si Noe te 600 he tuig. Ne hein ike-17 he andew te ikezuwa he vulan, mid-uzan te utew mereǥes wey midlepew zutun is utew zekelà he wahig he edtudà he ebpuun diyà te utew mezalem he zaǥat, ne ingkevusbus daan is utew zekelà he wahig he ziyà ebpuun te hewhewanan.

Genesis 7:11 ပူးပေါင်းရင်းမြစ်များ

Genesis 1:7

Ne zutun nehimu is elang ne pinaaǥi kayi impedsivey zin is wahig he ziyà te zizalem wey is wahig he ziyà te zivavew.

Genesis 6:17

Su ibpelapey ku is langun he menge wahig dini te tanà su wey melimas is minsan hengkey he egeǥehinawa zini te kelibutan. Ne egkeǥerà is minsan hengkey zini te tanà.

Genesis 7:6

Mibpenuiǥen dutun si Noe te 600 he tuig hein kedlapey te wahig dini te kelibutan.

Genesis 8:14

Hein iyan en ike-27 he andew zutun te ikezuwa he vulan, nemezahan en is tivuuk he kelibutan.

Genesis 8:2

Mid-engked haazà is kedtudà te wahig he ebpuun te utew mezalem he zaǥat ne mid-engked daan is kegkevusbus te utew zekelà he wahig he ziyà ebpuun te hewhewanan, ne midtikdew haazà is utew mereǥes he uzan.

2 Hadì 7:19

Dutun he timpu midtavak sikan is upisyal te hadì te, “Kenà heeyan egkehitavù, su minsan dekelà is menge sebpet su ibpeuzan te Nengazen, ne kenà iring keniyan keveratu is keenen.” Midtavak si Elisha te, “Egkeehè nu is kegkeul-ulaha kayi, piru kenè ka ebpekekaan duen te nekaǥi ku.”

2 Hadì 7:2

Ne Migkaǥi haazà is upisyal he sineriǥan te hadì te, “Kenà heeyan egkehitavù, su minsan dekelà is menge sebpet su ibpeuzan te Nengazen, ne kenà iring keniyan keveratu is keenen.” Midtavak si Elisha te, “Egkeehè nu is kegkeul-ulaha kayi, piru kenè ka ebpekekaan duen te nekaǥi ku.”

Job 12:15

Emun edsebpengan din is uzan, ebmemaza is tanà, emun ebpesegdanen din is uzan, edalem ne egkezeetan is tanà.

Job 28:4

Egkalut dan te veyeey ziyà te minahan, diyà te lugar he wazà ubpai wey wazà beyai te menge etew. Ebpenaug dan pinaaǥi te menge pisì he edsayugsayug.

Job 38:16

“Nekehendiyè ke en be te menge serebseb diyà te zizalem te zaǥat etawa ziyà te kinezizeleman he vahin te zaǥat?

Job 38:37

Hentei is metau he ebpekevilang te menge ǥapun? Hentei is ebpekevusbus te wahig puun te langit

Salmo 33:7

Midtingeb din is wahig te zaǥat he henduen be te intaǥù diyà te gerepun etawa insavuk diyà te budiga.

Salmo 74:15

Iyan ka mibpetudà te menge serebseb wey te menge wahig he edtudà. Iyan ka mibpemazà te menge wahig he edtudà he kenà pezem egkemezahan.

Isaias 24:18

Is ebpelaǥuy su egkahandek, ne egkeulug diyà te vudsi ne is egawas puun dutun te vudsi ne egkelitag. Edtanà is mereǥes he uzan, ne egkehuyung is pundasyun te kelibutan.

Isaias 24:19

Ebeka is tanà ne egketevì heini.

Jeremias 5:22

Wazà niw ve kedtahud kediey? Maan is wazè kew kerkera ziyà te etuvangan ku? Iyan a is Nengazen migkaǥi te mibeelan ku is beyvey he netemanan te zaǥat. Pirmeninti heini he dulunà ne kenà egkelapew. Edtampil kayi is baǥel piru kenè en edlavey is daǥat kayi.

Jeremias 51:16

Pinaaǥi te kebmandù din, edreǥuuk is wahig diyà te langit. Iyan sikandin ebpeǥawas te menge kivel he ebpuun diyà te meziyù he vahin te kelibutan. Ibpekilat din ke ed-uzan, wey ibpepengeramag din te ebpuun diyà te midteǥuan din duen.

Ezekiel 26:19

Migkaǥi pa is Nengazen he MEGBEVAYÀ te, “He Tyre, egkehimu ka he mekevulungbulung he inged, egkehimu ka he inged he wazà duen ed-ubpà. Edsepalen ku sikew te mezalem he wahig.

Malakias 3:10

Guntaan, egkeǥiyan ku sikiyu he ǥezami a keniyu, is Nengazen he Mekeǥeǥehem. Uwita niw is tivuuk he ikepulù niw ziyà te budiga ziyà te valey ku su para zuen egkekaan dutun te valey ku. Emun ebeelan niw heini, ebpeuwitan ku sikiyu te uzan ne ebeǥayan ku sikiyu te ebpenubra he tuvad.