Genesis 7:1 - Manobo Western Bukidnon OT

¹ Ne zutun migkaǥi is Nengazen diyà te ki Noe te, “Sikew, wey is tivuuk he pemilya nu, seled kew en diyà te arka, su iyan ke zà neehè ku he metazeng he etew te langun he menge etew ǥuntaan.

Genesis 7:1 ပူးပေါင်းရင်းမြစ်များ

Genesis 6:18

Iyan, sikew mulà, edhimuwen ku is utew melig-en he kebpekid-uyun ku kenikew. Ne ibpeseled ku sikew zuen te arka zuma is menge anak nu wey is esawa nu wey is menge ambey nu.

Genesis 6:9

Iyan heini guǥud mehitenged te pemilya ni Noe. Metazeng he etew si Noe. Dutun he timpu iyan dà sikandin etew he wazà igkesawey zuen; utew sikandin mibpekid-emiǥu te Megbevayà.

Genesis 7:13

Ne zutun te andew he mibpuun en is uzan, si Noe wey is esawa zin, duma te menge anak din he si Shem, si Ham, wey si Jafet wey is menge esawa zan, midseled dan dutun te arka.

Genesis 7:7

Ne si Noe, is menge anak din, wey is esawa zin, wey menge ambey zin, ne midseled dan dutun te arka su wey zan melibri zutun te kedlapey te menge wahig.

2 Samuel 22:24

Netuenan nu he wazà igkesawey te keugelingen ku, ne edlikayan ku is kebaal te salà.

Erubasa 10:9

Is etew he metazeng meziyù te kezeetan, piru is etew he ebaal te mezaat egketuenan is salè din.

Erubasa 14:26

Is kedtehuza te Nengazen, ne iyan ebpekeveǥey te kelig-en wey kenà kegkekeizi te etew wey te menge anak din.

Erubasa 18:10

Is Nengazen, iring te melig-en he turi he iyan egkeeputan te menge metazeng su wey zan kenà mekeizi.

Ezekiel 14:14

Minsan pa ke ziyà te kandan si Noe, si Daniel, wey si Job, ne iyan dà heini is tetelu egkelibri tenged te ketazeng dan. Iyan a, is Nengazen he MEGBEVAYÀ, is migkaǥi kayi.

Zefanias 2:3

Ne sikiyu is kenà mepelavawen he menge etew kayi te nasyun, he edsunud te menge suǥù te Nengazen, dangep kew ziyà te kandin. Ipedayun niw is kebaal niw te metazeng wey is kenè niw kebpelavew. Su kela ke kenè kew mulà mekeizi zutun he andew te kebpeǥezama te Nengazen te pauk din.”