Genesis 6:9 - Manobo Western Bukidnon OT

⁹ Iyan heini guǥud mehitenged te pemilya ni Noe. Metazeng he etew si Noe. Dutun he timpu iyan dà sikandin etew he wazà igkesawey zuen; utew sikandin mibpekid-emiǥu te Megbevayà.

Genesis 6:9 ပူးပေါင်းရင်းမြစ်များ

Genesis 10:1

Si Shem, si Ham, wey si Jafet, iyan heini guǥud te menge kevuwazan dan he impenganak dutun te timpu hein neipus en is kedlapey te zaǥat.

Genesis 17:1

Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.

Genesis 2:4

Iyan heini sikan is keguǥuza te kedlimbaǥa zengan te langit wey kelibutan. Dengan hein midlimbag te Nengazen he Megbevayà is langit wey kelibutan,

Genesis 48:15

Ne zutun mibpenubtuvazan din sikandan ke sikandin te, “Berakat he ebpenubtuvazan heini he menge vatà te Megbevayà he ed-ezapen te menge kepuun ku he si Abraham wey si Isaac, kes Megbevayà he mid-elima kedì te tivuuk he untung ku taman en guntaan.

Genesis 5:1

Iyan heini keguǥuza te menge kevuwazan ni Adan. Dutun te kedlimbaǥa te Megbevayà te menusiyà, midhimu zin is etew iring te kandin he zagwey.

Genesis 5:22

Ne puun dutun te ked-enaka ki Metusela, 300 pa he tuig is keluǥayad te untung ni Enoc, ne zuen duma pa zaan he menge anak din he vahi wey maama. Dutun he timpu utew meupiya is kedepità ni Enoc wey Megbevayà, umbe nekeuma te 365 is keluǥayad te untung din ne nahanew sikandin, su midtulus sikandin te Megbevayà.

Genesis 6:10

Tetelu is anak din he maama: si Shem, si Ham, wey si Jafet.

Genesis 7:1

Ne zutun migkaǥi is Nengazen diyà te ki Noe te, “Sikew, wey is tivuuk he pemilya nu, seled kew en diyà te arka, su iyan ke zà neehè ku he metazeng he etew te langun he menge etew ǥuntaan.

2 Samuel 22:24

Netuenan nu he wazà igkesawey te keugelingen ku, ne edlikayan ku is kebaal te salà.

1 Hadì 3:6

Midtavak si Solomon te, “Impeehè nu is dekelà he ǥaǥew nu te amey ku he si David, he suluǥuen nu, su mepezumdumahan sikandin kenikew, metazeng, wey hustu is kebpengungubpaan din. Impelaus nu is kebpaahà nu te zekelà he keupiya nu pinaaǥi te kebeǥayi nu kandin te sevaha he anak he iyan ebpekeilis kandin te kedhadì guntaan.

2 Cronica 15:17

Minsan te wazà maawà is langun he simbahan diyà te metikang he lugar te Israel, ne wazà si Asa med-awà diyà te Nengazen te tivuuk he untung din.

2 Cronica 25:2

Meupiya is ulaula ni Amazia ziyà te etuvangan te Nengazen, piru kurang is kedsunud din te Nengazen.

Job 1:1

Duen etew he ed-ubpà diyà te tanà he Uz he iyan ngazan din si Job. Metazeng wey wazà igkesawey kandin. Edtahud sikandin te Megbevayà wey ebpeninguhà he kenà mekevaal te mezaat.

Job 1:8

Migkaǥi is Nengazen diyà te kandin te, “Neseǥipè nu ve is suluǥuen ku he si Job? Wazà iring kandin diyà te kelibutan. Metazeng sikandin wey wazà igkesawey kandin. Midtahud e zin wey ebpeninguhà he kenà mekevaal te mezaat.”

Job 12:4

Nehimu a he egkeengitan te menge emiǥu ku minsan metazeng a wey wazà kedì igkesawey, wey minsan edtevaken dengan te Megbevayà is menge kebpengemuyù ku.

Salmo 37:37

Ne ahaa nu purungi is etew he wazà duen igkesawey he ebpengungubpaan te hustu wey melinew. Duen din mulà meupiya he egkepaabut.

Salmo 37:39

Baal te Nengazen is kelibriyanan te menge metazeng. Iyan sikandin edhimu te paaǥi para kenà sikandan memenu emun timpu te kelised.

Erubasa 4:18

Is kebpengungubpaan te menge etew he metazeng ne igkepetug-iring te aney en he kedsilà te andew ke egkepawà he ebmerayag taman te meudtu.

Megwewali 7:20

Wazà etew kayi te kelibutan he layun dà metazeng is menge vaal zin wey kenà egkesayep.

Ezekiel 14:14

Minsan pa ke ziyà te kandan si Noe, si Daniel, wey si Job, ne iyan dà heini is tetelu egkelibri tenged te ketazeng dan. Iyan a, is Nengazen he MEGBEVAYÀ, is migkaǥi kayi.

Ezekiel 14:20

ne minsan pa ke ziyà te kandan si Noe, si Daniel, wey si Job, ne nenangdù a is uuyag he Nengazen he MEGBEVAYÀ, he kenè dan egkelibri is menge kevuwazan dan, kekenà, iyan dà egkelibri zan is kandan he keugelingen tenged te ketazeng dan.

Habakuk 2:4

Iyan heini isurat nu: “Ahaa nu is menge mepelavawen! Lalung sikandan he menge etew. Piru is metazeng he menge etew ebpengungubpaan tenged te kedtuu zan.

Deuteronomio 18:13

Kinahanglan he wazà igkesawey keniyu ziyà te etuvangan te Nengazen he Megbevayè niw.