Genesis 6:5 - Manobo Western Bukidnon OT

⁵ Ne naahà te Nengazen he utew mezakel is menge kelelalung he ebeelan te menge etew wey iyan dà layun ed-isipen wey ed-ul-ulahan dan is mezaat.

Genesis 6:5 ပူးပေါင်းရင်းမြစ်များ

Genesis 13:13

Ne is menge meǥinged dutun te Sodom, utew menge mekesesalà. Utew mezaat is menge salè dan he supak te Nengazen.

Genesis 8:21

Ne nahazek te Nengazen is kehemut te evel zutun, ne ke sikandin diyà te ǥehinawa zin te, “Kenè ku en maan edezeetan is menusiyà, minsan netuenan ku en he mekesesalà sikandan puun pa te ked-enaka kandan. Kenè ku en maan ed-umanan edlimasa iring te mibeelan ku.

Job 15:16

iyan pe be is etew he neetew he mezaat wey mekesesalà, he igkemezahi zin is kebaal te mezaat?

Job 22:15

“Ebpedayun ke ve he ed-ikul te vetasan he neuǥet en he edsunuzen te lalung he menge etew?

Salmo 53:2

Puun te langit edtengtengan te Megbevayà is keet-etawan, su edsusiyen din ke zuen be nekesavut te tutuu wey ke zuen be midangep diyà te kandin.

Erubasa 6:18

is menge ebpelanu te mezaat, is menge elistu te kebaal te mezaat,

Megwewali 7:29

Ne lavew te langun, nesusi ku he midlimbag te Megbevayà is etew para medtinazeng piru kezekelan te menge paaǥi te etew ne kenà metazeng.”

Megwewali 9:3

Iyan heini edhuna he kenà meupiya te langun he egkengeulaula kayi te kelibutan: neked-iring dà is egkepeveyaan te langun. Ne te kemulu pa uuyag is etew ne iyan ebpeketaǥù te isip din is mezaat wey tinulebung; ne te huziyan he timpu ebpatey sikandin iring te zuma.

Jeremias 17:9

Utew limbungan is gehinawa te etew ne wazà meupiya he egkehimu zin. Hentei is egketau ke sengemenu is kezaat kayi?

Jeremias 4:14

“Menge tig-Jerusalem, lumpiyuwi niw is kezaat te gehinawa niw su wey kew melibri. Ebpedayun en be is kezaat te isip niw?

Ezekiel 8:12

Ne migkaǥi is Megbevayà kayi te kedì te, “Sikew is etew, neehè nu en be ke hengkey is ebeelan he meeles te menge edumala te Israel? Diyà is kada sevaha kandan te ruǥu te ed-ezapen din, su ke sikandan te, ‘Kenè kiw egkaahà te Nengazen; inselikwey zin en is Israel.’ ”

Ezekiel 8:9

Ne migkaǥi en maan sikandin te, “Seled ka ne ahaa nu is utew mezaat he vaal he mibeelan dan.”

Deuteronomio 29:19

Is minsan hentei he nekezineg te menge petizaan pinaaǥi kayi te menge rawak, ne kenè din isipa he kenà sikandin egkemenu ke ebpedayun he ebaal te kandin dà he egkesuatan. Heini he ulaula ebpekeuwit te kezeetan diyà te keniyu te langun.