Genesis 6:17 - Manobo Western Bukidnon OT

¹⁷ Su ibpelapey ku is langun he menge wahig dini te tanà su wey melimas is minsan hengkey he egeǥehinawa zini te kelibutan. Ne egkeǥerà is minsan hengkey zini te tanà.

Genesis 6:17 ပူးပေါင်းရင်းမြစ်များ

Genesis 2:7

Ne zutun midlimbag te Nengazen he Megbevayà is etew, ne iyan inlimbag din dutun is eliyavuk he ebpuun dini te tanà. Ne inhiyup din dutun te izung duen te etew is kandin en he ǥehinawa he ebpekeuyag, ne zutun nehimu is etew he linimbag he ebpekeǥeǥehinawa.

Genesis 6:13

ne migkaǥi sikandin diyà te ki Noe te, “Neisip ku en he edlimasen ku is tivuuk he menusiyà. Su tenged kandan, nekeeneb te kelibutan is kelelalung, ne tenged dutun id-awè ku sikandan dini te tanà.

Genesis 6:16

Beeli nu is sulawà te arka he senge siku is elang din puun dutun te atep ne ziyà te kilid te arka beeli niw is gemawan. Tetelu he endana is dutun te arka; duen diyà te zivavew, duen diyà te zizalem, wey zuen daan diyà te teliwazà.

Genesis 6:7

Umbe ke sikandin te, “Edlumpiyuwan ku is kelibutan su edlimasen ku zutun is menge etew he linimbag ku. Edhimetayan ku is menge etew, menge langgam, menge keranapranap wey is menge tagbis he ziyà te hewhewanan, su deyzey pa pezem ke wazè ku sikandan limbaǥa.”

Genesis 7:15

Sumalà te insuǥù te Megbevayà ki Noe, impeseled din diyà te arka is tigsenge paris he kelasi te langgam he mid-uvey ziyà te kandin. Ne midlekevan te Nengazen haazà is arka.

Genesis 7:17

Midsigudu med-uzan kayi te kelibutan seled te 40 he andew. Mibmezalem is wahig taman te midletew sikan is arka.

Genesis 7:4

Su egkepasad is pitu he andew puun guntaan, ibpeuzanan ku is tivuuk he kelibutan, taman te 40 he andew wey 40 he kezukileman, su wey melimas is minsan hengkey he egeǥehinawa he linimbag ku.”

Genesis 9:9

“Edtukuzen ku en guntaan is kebpekid-uyun ku keniyu wey te menge kevuwazan niw,

Job 22:16

Nepenggevuan is untung dan; iring sikandan te pundasyun te valey he naanud te zalem.

Salmo 107:34

Midhimu zin he wazà pulus duen te meupiya he tanà, su ǥeina te menge lalung is nen-ubpà duen.

Salmo 29:10

Is Nengazen iyan ebmandù te zalem te menge wahig; iyan sikandin kes hadì he ebmandù te wazà pidtemanan.

Exodus 14:17

Ibpemezesen ku is gehinawa te menge Ehiptohanen su para del-asa kew zan. Piru edèdeetan ku is hadì wey is menge sundaru zin, wey is menge pereuntud din te kudà wey menge kerwahi. Ne pinaaǥi kayi egkevantug a.

Isaias 51:12

Midtavak is Nengazen te, “Iyan a midasig wey midlipey keniyu. Ne maan is egkahandek kew te menge etew zà duen he ebpatey iring te sagbet?

Isaias 54:9

“Iyan ked-isipa ku kayi is, iring te timpu ni Noe he zutun nenangdù a he kenè ku en ibpeuman ibpelapey is wahig kayi te kelibutan. Ne ǥuntaan ebpenangdù a zaan he kenè ku en sikew egkepeukan wey edsilutan.

Ezekiel 34:11

“Iyan a, is Nengazen he MEGBEVAYÀ, migkaǥi he iyan a mismu ebpen-ahà te menge kerehidu ku wey ed-atur kandan.

Ezekiel 34:20

“Umbe siak, is Nengazen he MEGBEVAYÀ, migkaǥi a ziyà te keniyu he iyan a mismu ebpedsivey te melambù wey meǥasà he menge kerehidu.

Ezekiel 5:8

Umbe siak, is Nengazen he MEGBEVAYÀ, iyan a ebpekigkuntada keniyu. Edsilutan ku sikiyu te silut he egkaahà te menge etew ziyà te menge nasyun.

Ezekiel 6:3

He menge vuvungan te Israel, menge zal-ug wey menge suǥud, pemineǥa niw is egkeǥiyen te Nengazen he MEGBEVAYÀ: Ebpeeǥiyan ku sikiyu te tebek, ne ebpemengkaǥen ku is menge simbahan niw ziyà te metikang he menge lugar.

Hoseas 5:14

Su edsurungen ku is Israel wey Juda he iring a te erimaung he ebpitaspitas te egkezawi zin. Iyan a mismu edezaat kandan. Ed-uwiten ku sikandan diyà te zuma he menge nasyun, ne wazà ebpekelibri kandan.

Leviticus 26:28

ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.

Amos 9:6

Iyan is Megbevayà mibaal te keugelingen din he ubpeey ziyà te langit. Su iyan sikandin mibaal te hewhewanan diyà te zivavew te tanà. Iyan sikandin midtiǥum te wahig te zaǥat diyà te menge ǥapun ne impeuzan din heini ziyà te tanà. Is ngazan din iyan is Nengazen.

Deuteronomio 32:39

Ahaa niw is puriba ǥuntaan he iyan e zà Megbevayà! Wazè en duma he Megbevayà gawas kedì. Iyan a edhimatey ne iyan a zaan ebeǥey te untung; iyan a ebpalì wey iyan a zaan ebawì te palì, ne wazà egkelibri emun edezeetan ku.