Genesis 6:12 - Manobo Western Bukidnon OT

¹² Neehè din he utew lalung iyan is menge etew su nehimu en is menge ulaula te minsan hentei zini te kelibutan he utew en meremerik,

Genesis 6:12 ပူးပေါင်းရင်းမြစ်များ

Genesis 18:20

Ne migkaǥi zutun is Nengazen diyà te ki Abraham te, “Utew kun mezaat is menge ulaula te menge tig-Sodom wey menge tig-Gomora wey utew kun meveǥat is menge salè dan.

Genesis 18:21

Umbe edhendiyà a su ed-ahaan ku is menge ulaula zan ke utew subra he mezaat he iring te nezineg ku, su kinahanglan he egketuenan ku.”

Genesis 6:13

ne migkaǥi sikandin diyà te ki Noe te, “Neisip ku en he edlimasen ku is tivuuk he menusiyà. Su tenged kandan, nekeeneb te kelibutan is kelelalung, ne tenged dutun id-awè ku sikandan dini te tanà.

Genesis 6:8

Iyan, si Noe mulà, nekepenunuat sikandin te Nengazen.

Genesis 7:1

Ne zutun migkaǥi is Nengazen diyà te ki Noe te, “Sikew, wey is tivuuk he pemilya nu, seled kew en diyà te arka, su iyan ke zà neehè ku he metazeng he etew te langun he menge etew ǥuntaan.

Genesis 7:21

Ne nelimas dutun is minsan hengkey he menge linimbag he egeǥehinawa zini te lumpad. Is menge tagbis, menge ayam, menge leew he langgam, menge keranapranap, wey is tivuuk he menusiyà, nelimas dutun is langun.

Genesis 9:12

Ne migkaǥi zaan is Megbevayà te, “Duen ibpeehè ku keniyu he egkehimu he tuus te wazà pidtemanan he kebpekid-uyun ku keniyu wey te langun he menge linimbag ku he egeǥehinawa he zuma niw he midlawang keniyan te arka. Ne iyan is:

Job 33:27

Ne egkeǥiyan din is menge etew te, ‘Nekesalà a; mibaal a te kenà hustu, piru wazè ku mezawat is silut te Megbevayà he ereg kediey.

Erubasa 15:3

Egkaahà te Nengazen is minsan hendei. Egkeehè din is ed-ul-ulahan te minsan hentei, metazeng etawa lalung.