Genesis 50:5 - Manobo Western Bukidnon OT

⁵ he tuǥuti e zin te kedleveng te amey ku ziyà te Canaan. Su zuen intelaan kediey te amey ku, ne impepenangdù e zin he ke sikandin te, ‘Emun ebpatey a kinahanglan he ziyà a kenikew ileveng te penlevengà he zaan he mid-andam ku ziyà te tanà he Canaan.’ Ne emun egkepasad is kedlevenga kandin, ne edlikù e zed dini.”

Genesis 50:5 ပူးပေါင်းရင်းမြစ်များ

Genesis 3:19

Ne taman te kenè ke pa idleveng dini te tanà, wey ke zà ebpekekaan ke edrimusengan ka. Is eliyavuk te tanà iyan puunà te lawa nu ne ziyà daan heini keuzemà te eliyavuk ebpekeulì.”

Genesis 48:21

Ne zutun migkaǥi si Israel ziyà te ki Jose te, “Meǥaan en is kebpatey ku, iyan, edumahan kew zed te Megbevayà, ne ibpeulì din ded keuzemà is menge kevuwazan tew ziyà te tanà he mid-ubpaan te menge kepuun tew.

Genesis 50:24

Duen timpu he migkaǥi si Jose ziyà te menge suled din te, “Meǥaan en is kebpatey ku, piru kenà egkehimu he kenè kew en edtevangan te Megbevayà. Ne ibpaawè kew zin ded kayi he tanà, ne ibpeulì kew zin diyà te tanà he impesarig din te menge kepuun tew he si Abraham, si Isaac, wey si Jacob.”

Genesis 50:4

Ne hein netapus haazà is timpu te kedlalew zan, midlelaǥan ni Jose is menge upisyal te hadì te Ehipto, ke sikandin te, “Emun egkehimu ne lelaǥi niw is hadì

Genesis 50:6

Ne hein netuenan duen te hadì, ne midtavak sikandin te, “Tumana nu is impenangdù nu ziyà te amey nu. Ne ǥenat kad ne ileveng nu en sikandin.”

2 Cronica 16:14

Inleveng sikandin diyà te penlevengà he mibpeveelan din para te keugelingen din diyà te Inged ni David. Impehizeǥè dan sikandin diyà te hizeǥeey he zuen duen nekedseselekawà he menge pehemut, wey midtetavun is menge etew te zekelà he hapuy para te kebeǥayi kandin te zengeg.

Job 30:23

Netuenan ku he ed-uwiten a kenikew ziyà te lugar te menge minatey, ziyà te lugar he inteǥana nu he egkepeveyaan te langun he etew.

Salmo 79:3

Impetiǥis dan is lengesa te menge etew nu ne iring te wahig is kedtudà kayi ziyà te tivuuk he Jerusalem, ne wazà minsan sevaha he nesamà he ebpekeleveng te nemematey.

Megwewali 12:5

Egkahandek ke en he ebpenekezeg etawa edhipanew ziyà te kersada. Ebmeputì en is menge vulvul nu ne egkaawè en is arig nu. Ne te huziyan he timpu ebpekehendiyè ka te lugar he iyan egkeubpaan nu te wazà pidtemanan, ne mezakel is egkeseeng kenikew ziyà te menge kersada.

Megwewali 12:7

Edlikù ka ziyà te tanà he iyan mibpuunan nu, ne sikan is gehinawa he mibeǥey kenikew te untung ne edlikù diyà te Megbevayà he iyan mibeǥey kayi.

Megwewali 6:3

Egkehimu he mahabet is anak te sevaha he etew wey meluǥayad is untung din, piru minsan meluǥayad is untung din ke wazè din kelipey zuen te meupiya he menge vutang he nezawat din wey kenà sikandin igkeleveng ke ebpatey, ne meupiya pa is batà he neranran kenà sikandin.

Isaias 22:16

“Hentei ka is edturtur keniyan te kelendiǥan te para te edlevengan kenikew zuma te dungganen he menge etew? Hentei is midtuǥut kenikew te kebaal keniyan?

Deuteronomio 4:22

Kayi e zà he tanà ebpatey ne kenà ad ebpekelayun te Jordan, piru sikiyu mulà ebpekelayun kew te Jordan su wey niw maangken haazà is meupiya he tanà.

1 Samuel 14:43

Ne migkeǥiyan ni Saul si Jonatan te, “Hengkey ves is mibeelan nu?” Midtavak si Jonatan te, “Intiyuk ku is purù te tuked ku zuen te teneb ne migkaan a te deisey zà. Ne, kinahanglan buwa he edhimetayan a?”