Genesis 50:23 - Manobo Western Bukidnon OT

²³ Neseutan pa sikandin te menge apù din te veul he menge kevuwazan ni Efraim. Ne neseutan pa zaan sikandin te menge apù din he menge anak ni Makir he anak ni Manase.

Genesis 50:23 ပူးပေါင်းရင်းမြစ်များ

Genesis 30:3

Migkaǥi si Raquel ziyà te ki Jacob te, “Emun iyan heeyan, pekidhulid ka ki Bilha he uripen ku su minsan pinaaǥi zà kandin is kebpekekuwa ku te vatà.”

Genesis 48:19

Piru midtavak is amey zin te, “Uya, mama, netuenan ku. Is menge kevuwazan ni Manase egkehimu he egkevantug ded daan he menge etew. Piru egkelewanan sikandin ni Efraim su egkehimu he utew bentuǥan is menge kevuwazan din, ne egkehimu sikandan he mezakel he menge grupu te menge etew.”

Genesis 49:12

Umbe te subra he ked-inum nu te vinu, ne ebmeziǥà is mata nu. Ne tenged daan te subra he ked-inum nu te ǥatas, ne ebmeputì is ngipen nu.

Genesis 50:22

Ne si Jose wey is langun he menge sakup wey kevuwazan te amey zin, diyè dan med-ubpà te Ehipto. Is keluǥayad te untung ni Jose 110 he tuig.

1 Cronica 7:14

Duen dezuwa he anak ni Manase ziyà te esawa zin he Aramihanen, he si Asriel wey si Makir. Si Makir ne amey ni Gilead

Job 42:16

Ne puun dutun neuyag-uyag pa si Job seled te 140 pa he tuig, ne neehè din pa is menge kevuwazan din taman te ikeepat he lapis.

Salmo 128:6

Wey verakat he meehè niw pa is menge apù niw. Berakat he meupiya is kebpekesavuk te menge etew kayi te Israel.

Erubasa 17:6

Dengeg te meǥurang is menge apù din ne zengeg daan te menge vatà is ginikanan dan.

Numero 32:33

Umbe, imbeǥey ni Moises te menge tribu ni Gad, ni Reuben, wey te ketengà he tribu ni Manase he anak ni Jose is ginhedian ni Sihon he hadì te menge Amorihanen wey is ginhedian ni Og he hadì diyà te Bashan; pudu zin imbeǥey is tivuuk he tanà he nesakup keniyan he menge ginhedian ragkes is menge inged wey menge lugar he nekeliǥuy kayi.

Numero 32:39

Is menge kevuwazan ni Makir te anak ni Manase midsurung dan is Gilead, mid-aǥew zan heini ne midsegseg dan is menge Amorihanen he ed-ubpà kayi.

Josue 17:1

Duen daan tanà he imbeǥey para te kevuwazan ni Manase te kakey he anak ni Jose. Is Gilead wey is Bashan he ziyà dapit te edsilaan te Wahig he Jordan imbeǥey ziyà te pemilya ni Makir su ǥeina te beǥani sikandin. (Si Makir he amey ni Gilead, iyan kinekekayan he anak ni Manase.)