Genesis 50:19 - Manobo Western Bukidnon OT

¹⁹ Piru midtavak si Jose ziyà te kandan te, “Kenè kew mahandek. Kenè ku sikiyu ebelesan su kenà egkehimu he iyan a ed-ilis te Megbevayà!

Genesis 50:19 ပူးပေါင်းရင်းမြစ်များ

Genesis 30:2

Ne nepeukan sikandin ni Jacob he egkaǥi te, “Maan, Megbevayè e ve? Kandin he ketau is kenè nu kebpekaanak!”

Genesis 45:5

Kenè kew meseeng, ne kenè kew mebasul te ingkevelegyà a keniyu kayi, su paaǥi heini te Megbevayà is impehuna a kayi para meluwas kew te mereǥen he ked-ubpà.

Genesis 50:18

Ne zutun nemekeuma is menge suled din ne midlangkeb dan diyà te etuvangan din. Ke sikandan te, “Menge uripen key en kenikew.”

Genesis 50:20

Su minsan pa te mezaat is tuyù niw kediey, mibpengelinteuwan te Megbevayà he meupiya is pangkus din. Su impelavew e zin su wey kiw is mezakel melibri ne kenà meumes.

2 Hadì 5:7

Ne hein nevasa zuen te hadì te Israel haazà is surat, mibindas din is bisti zin su mibmezaat is gehinawa zin he ke sikandin te, “Maan is kayi zin te kediey suǥùa heini is etew he zuen daru te lundis din? Hengkey e ves, Megbevayà a? Duen ku ve gehem te kedhimatey wey ked-uyag te etew? Ebpen-ehè dà sikandin te hinungdan wey key mekedtebek!”

Deuteronomio 32:35

Ke sikandin te, “Iyan e en ebales wey edsilut kandan, su egkeuma zed gihapun is netendek he timpu he ebpekezulas sikandan. Hapit en egkeuma is kedezeeti kandan ne kenè en daan heini egkeuǥet.”