Genesis 50:13 - Manobo Western Bukidnon OT

¹³ Ne mid-uwit dan is lawa zin diyà te Canaan ne inleveng dan diyà te surung he ziyà te vevesukà te Macpela, diyà te edsilaan te Mamre. Heini he vevesukà mibpemasa ni Abraham diyà te ki Efron he Hitihanen, su ebeelan din he penlevengà.

Genesis 50:13 ပူးပေါင်းရင်းမြစ်များ

Genesis 23:20

Umbe, is bevesukà ragkes is surung he iyan dengan teǥiǥaked kayi is menge Hitihanen, nehimu en heini he ki Abraham, ne midhimu zin heini he penlevengè din.

Genesis 23:9

su wey zin ivelegyà kayi te kedì haazà is surung he kilid te vevesukè din diyà te Macpela. Keǥiyi niw sikandin he ebeyazan ku te hustu he prisyu, kayi te etuvangan niw para egkehimu he penlevengè ku.”

Genesis 25:8

Utew en meǥurang sikandin dutun te kebpatey zin, ne in-amur sikandin te menge kepuun din he nemematey en.

Genesis 25:9

Inleveng sikandin te menge anak din he si Isaac wey si Ishmael ziyà te surung he Macpela, he uvey te Mamre, he vevesukà dengan ni Efron he anak ni Zohar he Hitihanen.

Genesis 35:27

Mid-ulì si Jacob diyà te amey zin he si Isaac he ziyà te Mamre he uvey te inged he Kiriat Arba (he iyan daan Hebron). Iyan haazà mid-ubpaan dengan ni Abraham wey ni Isaac.

Genesis 35:29

Meǥurang en utew sikandin te kebpatey zin, ne in-amur sikandin te menge kepuun din he nemematey en. Inleveng sikandin te menge anak din he si Esau wey si Jacob.

Genesis 46:4

Eduma a keniyu ke edhendiyè kew te Ehipto ne edhimuwen ku he mekeulì daan keuzemà is menge kevuwazan nu. Ne sikew, emun ebpatey ka ne iyan si Jose edleveng kenikew.”

Genesis 47:30

Emun ebpatey ad, ne ileveng a kenikew ziyà te penlevengà te menge kepuun ku.” Ne midtavak dutun si Jose te, “Uya, edtumanen ku is intelaan nu kediey.”

Genesis 50:12

Midtuman te menge anak ni Jacob is intelaan din kandan.

Genesis 50:14

Ne si Jose, hein nepasad en haazà is kedlevenga te amey zin, mid-ulì sikandin diyà te Ehipto zuma te menge suled din wey is langun he menge etew he miduma kandin te kedleveng te amey zin.

2 Hadì 21:18

Hein minatey en si Manase, inleveng sikandin diyà te pemuleey te turuǥan din, kes pemuleey he egngezanan te Uza. Ne is anak din he si Amon iyan nekeilis kandin te kedhadì.