Genesis 50:12 - Manobo Western Bukidnon OT

¹² Midtuman te menge anak ni Jacob is intelaan din kandan.

Genesis 50:12 ပူးပေါင်းရင်းမြစ်များ

Genesis 50:11

Ne is menge tig-Canaan he meǥinged dutun, hein neehè dan is ebpemenlelendag dutun te gunasà diyà te Atad, ne migkaǥi zan te, “Utew neseeng is menge Ehiptohanen.” Ne tenged dutun haazà is inged he uvey te Wahig he Jordan ne migngezanan te Abel Mizraim, he ke và dà egkeǥiya, midlelendaǥan te menge Ehiptohanen.

Genesis 50:13

Ne mid-uwit dan is lawa zin diyà te Canaan ne inleveng dan diyà te surung he ziyà te vevesukà te Macpela, diyà te edsilaan te Mamre. Heini he vevesukà mibpemasa ni Abraham diyà te ki Efron he Hitihanen, su ebeelan din he penlevengà.

Exodus 20:12

“Tehuza niw is amey niw wey iney niw, su para luǥeyazi kew te untung ne egkeuǥet is ked-ubpè niw zutun te tanà he ibeǥey ku keniyu.