Genesis 5:2 - Manobo Western Bukidnon OT

² Maama wey vahi is midlimbag din. Ne hein nepasad din, midtuvazan din sikandan, ne migngezanan din sikandan he “menusiyà”.

Genesis 5:2 ပူးပေါင်းရင်းမြစ်များ

Genesis 1:27

Ne midlimbag dutun te Megbevayà is menusiyà he iring kandin. Midhimu zin sikandan he mekeiring kandin te Megbevayà. Maama wey vahi is midlimbag din.

Genesis 1:28

Ne midtuvazan sikandan te Megbevayà ne migkeǥiyan din sikandan te, “Mevuwad kew ne mebmehabet kew su wey niw meeneb is kelibutan. Iyan kew mebayàbayà dini te tanà. Iyan kew mebayàbayà te menge isdà diyà te zaǥat wey te menge tagbis he ebpemenlayang diyà te hewhewanan wey te menge linimbag he egeǥehinawa he edhipanew zini te tanà.”

Genesis 2:15

Ne haazà is etew he midlimbag te Nengazen he Megbevayà, diyè din isavuk te pemuleey he Eden su wey zin maatur wey meventayi haazà is pemuleey.

Genesis 2:23

Ne zutun migkaǥi kes maama te, “Duen ku en human duma! Is menge tulan din, ne zini ebpuun te tulan ku wey is sapù din daan, ne zini ebpuun te sapù ku. Egngezanan ku sikandin he ‘vahi’ su zini sikandin ebpuun te kedì te maama,” ke sikandin.

Genesis 5:3

Hein 130 en is penuiǥen ni Adan nevuwad sikandin te maama he utew midsempù kandin ne migngezanan din ki Set.

Malakias 2:15

Kenè be sikiyu is teleesawa, midsevaha te Nengazen is lawa niw wey gehinawa niw? Geina te egkesuat sikandin he mekaanak kew te egkehimu he ǥaked din. Umbe mebpekevantey kew he kenè niw mesupak is penangdù niw zutun te ked-esewaa niw te esawa niw hein menguhed kew pa.