Genesis 49:8 - Manobo Western Bukidnon OT

⁸ “Sikew Juda, edeliǥen wey edtehuzen ka te menge suled nu. Ne egkezaag nu is menge kuntada nu.

Genesis 49:8 ပူးပေါင်းရင်းမြစ်များ

Genesis 27:29

Berakat he mezakel he menge tribu is egkehimu menge suluǥuen nu, wey edtahud dan kenikew. Berakat he iyan ka mehimu he egalen te menge suled nu, wey medtahud kenikew is menge hazi nu. Berakat he is edrawak kenikew ne iyan merewaki, ne tuvazi mulà is ebpenuvadtuvad kenikew.”

Genesis 29:35

Mibmeǥingey med-uman si Lea ne mid-anak sikandin te sevaha pa he maama. Migkaǥi sikandin te, “Edeliǥen ku is Nengazen.” Umbe migngezanan din haazà is batà te Juda. Puun dutun, wazè en sikandin med-anak.

Genesis 42:6

Ne iyan si Jose gubirnedur te tivuuk he ǥinhedian te Ehipto, iyan sikandin ebelegyà te egkeenen diyà te tivuuk he menge meǥinged dutun. Ne zutun te kebpekeuma te menge kakey zin, midluhud dan diyà te etuvangan ni Jose he iyan kedtahud dan.

Genesis 46:12

Is menge anak he maama ni Juda ne iyan si Er, si Onan, si Shela, si Perez, wey si Zera (piru si Er wey si Onan, diyè dan dà mebpatey te Canaan), ne zuen menge anak ni Perez he si Hezron wey si Hamul.

2 Samuel 22:41

Mibpepeleǥuyan a kenikew te menge kuntada ku ne midezeetan ku sikandan.

2 Samuel 24:9

Ne midtudtul ni Joab diyà te ki Hadì David is kezakel te menge maama he ebpekesukul en te kebpekidtebek: 800,000 is diyà te Israel ne 500,000 is diyà te Juda.

2 Samuel 5:3

Umbe, ziyà te Hebron, mibaal si David te kebpekid-uyun te menge pengulu te Israel ziyà te etuvangan te Nengazen, ne midlenahan dan is ulu ni David te lana he ibpeehè dan he iyan en sikandin hadì te Israel.

1 Cronica 28:4

Piru minsan te iring dutun, mibpilì a te Nengazen he Megbevayà te Israel, he ebpuun te tivuuk he pemilya zey he egkehimu he hadì te Israel te wazà pidtemanan. Mibpilì din is tribu te Juda he iyan pengulu he tribu. Ne ebpuun kayi he tribu, mibpilì din is pemilya ku, ne ebpuun te pemilya ku ingkelipey zin is kebpilia zin kedì he hadì te tivuuk Israel.

1 Cronica 5:2

Ne si Juda, minsan te edhuna sikandin he gemhanan kenà te menge suled din, wey ebpuun te tribu zin is menge pengulu ne in-awà diyà te kandin is ketenged te kegkekakey zin ne ziyà iveǥey te ki Jose.

2 Cronica 14:8

Duen 300,000 he menge sundaru ni Asa he menge tig-Juda, he nehimanan te zezekelà he menge kelasag wey menge vangkew. Wey zuen din daan menge sundaru he 280,000 he tig-Benjamin he nehimanan te menge zezeisek he menge kelasag wey menge panà. Ne pudu heini sikandan menge memetau he menge sundaru.

2 Cronica 15:9

Ne midtiǥum din is langun he menge keet-etawan te Juda wey Benjamin, wey is menge etew he ebpuun te Efraim, Manase, wey Simeon he zuma zan he meǥinged. Mezakel is midhalin diyà te Juda he ebpuun te Israel hein neehè dan he miduma ki Asa is Nengazen he Megbevayè din.

2 Cronica 17:2

Mibpepelestaran din te menge sundaru is langun he vinerengbeng he menge inged te Juda, ne midtukuzan din te menge kampu te menge sundaru is Juda wey is menge inged te Efraim he naaǥew te amey zin he si Asa.

2 Cronica 30:11

Piru zuen ebpemuun diyà te Asher, Manase, wey Zebulun he wazà mebpelavew ne midhendiyè dan mulà te Jerusalem.

Salmo 76:1

Diyà te Juda nekilala utew is Megbevayà; nevantug sikandin diyà te Israel.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Ezekiel 21:29

Kenà tutuu is menge nelewasan wey menge tagnà he nezawat niw mehitenged te ispada. Iyan tutuu is, andam en is ispada te kedtamped te menge lieg te lalung he menge etew. Neume en is timpu te kedsiluti kandan.

Numero 10:14

Is grupu he midhuna he uwiten dan is bendira zan iyan is grupu he ebpenguluwan te tribu ni Juda. Is pengulu zan iyan si Nashon he anak ni Aminadab.

Numero 26:22

Iyan sikandan menge pemilya he ebpuun diyà te ki Juda; 76,500 sikandan is langun.

Deuteronomio 33:7

Mehitenged te tribu ni Juda, migkaǥi si Moises te, “He Nengazen, pemineǥa nu is hangyù te penavang te tribu ni Juda. Iuman nu sikandan ilikù diyà te menge tribu te Israel. Pengelangi nu wey tevangi nu sikandan kuntra te menge kuntada zan.”

Josue 10:24

Ne hein neuwit en diyà te ki Josue haazà is lelima he hadì, midtiǥum din is langun he menge Israilihanen, ne migkeǥiyan din is menge peremandar te menge sundaru zin, ke sikandin te, “Hendini kew, ne ǥieki niw is menge lieg kayi te menge hadì.” Umbe mid-uvey sikandan ne migiekan dan is menge lieg duen te menge hadì.

Josue 15:20

Iyan heini menge inged he nepengevilin te tribu ni Juda he mibahin diyà te kada pemilya zan:

Zatù 20:18

Midhendiyà te Betel is menge Israilihanen ne mid-insè dan diyà te Megbevayà ke hentei ki tribu is edhuna edsurung te menge Benjaminhen. Ne midtavak is Nengazen te, iyan is tribu ni Juda.