Genesis 49:18 - Manobo Western Bukidnon OT

¹⁸ Ne migkaǥi si Jacob te, “He Nengazen, edteǥad a te kedlibri nu.”

Genesis 49:18 ပူးပေါင်းရင်းမြစ်များ

Genesis 49:17

Egkeiring ka te uled diyà te zalan he ebpemengaǥat te paa te kudà, ne egkeulug is ed-untud dutun.”

Salmo 119:166

Ebperateng a he edlibriyen a kenikew, Nengazen, ne edtumanen ku is menge suǥù nu.

Salmo 119:174

Nenganduy a he libriya a kenikew, Nengazen. Nekeveǥey kedì te kelipey is kesuǥuan nu.

Salmo 119:41

Nengazen, ipeehè nu is kebmahala wey kedlibriya nu kedì, sumalà is insaad nu.

Salmo 123:2

Iring te suluǥuen he edtaǥad te kebeǥayi kandin te egalen din, sikami edtaǥad key zaan te tavang nu kenami, Nengazen he Megbevayè dey, taman te egkehizuwan key en kenikew.

Salmo 130:5

Edtaǥad a iyan kenikew, Nengazen, wey edsarig a te lalag nu.

Salmo 14:7

Deyzey ke ebpekeume en is edlibri te Israel he ebpuun diyà te Zion. Utew ebmelipayen is menge tig-Israel he menge etew te Nengazen, emun idlikù din en is meupiya he kebpekesavuk dan.

Salmo 40:1

Wazà a medarà he edtaǥad te Nengazen, ne mibpemineg din is kebuyù ku te tavang diyà te kandin.

Salmo 62:1

Diyè e zà te Megbevayà ebpekehimeley, ne ebpuun diyà te kandin is kelibriyanan ku.

Salmo 62:5

Diyè ku zà te Megbevayà egkaangken is kebpekehimeley ku su ibpeperateng e zin.

Salmo 85:7

Nengazen, ipeehè nu kenami is kebmahala nu kenami ne libriya key.

Exodus 15:2

Is Nengazen iyan ebeǥey kedì te zesen, wey iyan sikandin egkekanta ku. Iyan sikandin menluluwas ku. Iyan sikandin Megbevayè ku, ne edeliǥen ku sikandin. Megbevayà sikandin te menge kepuun ku, ne ebentuǥen ku sikandin.

Erubasa 14:32

Edezeetan te Megbevayà is menge mekesesalà tenged te mezat he ulaula zan, piru ebpengelangan din is metazeng minsan ke ebpatey, ne zuen din mulà egkeeputan.

Isaias 25:9

Emun egkeulaula en heini, egkaǥi is menge etew te: “Iyan sikandin Megbevayè tew! Midsarig kiw kandin, ne midlibri kiw zin. Iyan sikandin Nengazen he midseriǥan tew. Edlipey kiw wey edlipeylipey su midlibri kiw zin.”

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 33:2

Nengazen, kehizuwi key. Midsarig key kenikew. Lig-eni key kada andew, wey libriya key zutun te timpu te kelised.

Isaias 36:8

Impelaus dutun te peremandar is lalag din, “Ne guntaan keǥiyi niw is hadì niw he zuen idhanyag kandin te egalen ku he hadì te Asiria. Ebeǥayan dey sikandin te 2,000 he menge kudà emun duen din daan 2,000 he pereuntud te kudà.

Isaias 8:17

Ebperateng a ziyà te Nengazen minsan pà te mid-iniyuǥan din is menge kevuwazan ni Jacob. Edsarig a ziyà te kandin.

Penhulùhulù 3:25

Ebpurungan te Nengazen is menge ebperateng wey edangep diyà te kandin.

Hoseas 12:7

Migkaǥi is Nengazen te, “Susuaten te kedlimbung is menge nigusyanti niw; egamit sikandan te limbungan he timbangan.

Micas 7:7

“Piru siak mulà, edsarig a te Nengazen he Megbevayè ku. Edteǥazan ku sikandin is edlibri kedì. Ne ebpemineǥen din is ked-ampù ku.”