Genesis 49:16 - Manobo Western Bukidnon OT

¹⁶ “Sikew Dan, ne metazeng he kukuman is ibeǥey nu ziyà te menge sakup nu he sevaha he tribu te menge Israilihanen.

Genesis 49:16 ပူးပေါင်းရင်းမြစ်များ

Genesis 30:6

Ne migkaǥi si Raquel te, “In-awà human te Megbevayà is keelezan ku. Midtavak din is pengemuyù ku, su imbeǥey zin kedì is sevaha he anak he maama.” Umbe migngezanan din haazà is batà ki Dan.

Genesis 49:15

Ed-entusen nu is ked-uripena kenikew minsan pa ke ibpetiang ka te meveǥat wey ebpeǥesen ka he edterebahu, asal meupiya wey uuzaran is lugar he egkeubpaan nu.

Genesis 49:17

Egkeiring ka te uled diyà te zalan he ebpemengaǥat te paa te kudà, ne egkeulug is ed-untud dutun.”

Numero 10:25

Is kinehuziyanan he midhipanew he ed-uwit te bendira zan iyan is grupu he ebpenguluwan te tribu ni Dan. Iyan sikandan nehimu he vantey ziyà te egkeiniyuǥan he para te langun he grupu. Is pengulu zan iyan si Ahiezer he anak ni Amishadai.

Deuteronomio 33:22

Mehitenged te tribu ni Dan, migkaǥi si Moises te, “Is tribu ni Dan iring te anak te erimaung he edlingketew puun te Bashan.”

Zatù 13:2

Dutun he timpu zuen sevaha he maama he iyan ngazan din si Manoa he sakup te tribu ni Dan, ne ziyà sikandin ed-ubpà te Zora. Ne kenà ed-anak is esawa zin.

Zatù 15:20

Mibpenguluwan ni Samson is menge Israilihanen seled te 20 he tuig. Dutun he timpu kemulu pa sikandan sakup te menge Filistihanen.