Genesis 48:9 - Manobo Western Bukidnon OT

⁹ Ne midtavak si Jose te, “Iyan en heini, amà, sikan is menge anak ku he imbeǥey kediey te Megbevayà.” Ne migkaǥi si Israel te, “Ipeuvey nu sikandan kayi su wey ku sikandan mepenubtuvazi.”

Genesis 48:9 ပူးပေါင်းရင်းမြစ်များ

Genesis 27:4

Ne hilutua nu kedì is utew ku egkesuati he keenen ne uwita nu kayi te kedì su egkeenen ku. Egkepasad dutun ne ebpenubtuvazan ku sikew te kenè e pa ebpatey.”

Genesis 30:2

Ne nepeukan sikandin ni Jacob he egkaǥi te, “Maan, Megbevayè e ve? Kandin he ketau is kenè nu kebpekaanak!”

Genesis 33:5

Ne hein neehè din is menge vahi wey menge vatà, ne mid-insaan din si Jacob te, “Hentei heini is menge zuma nu?” Ne midtavak si Jacob te, “Iyan heini menge anak ku he imbeǥey kediey te Megbevayà su ingkehizu e zin.”

Genesis 49:28

Iyan heini sikan is 12 he anak ni Jacob he menge tribu te Israel. Ne iyan haazà menge petizaan ni Jacob te kada sevaha kandan.

1 Cronica 25:5

Iyan heini langun menge anak ni Heman he menenagnà te hadì. Mibeǥayan sikandin te Megbevayà te zengeg pinaaǥi te kebeǥayi kandin te 14 he menge anak he menge maama wey tetelu he menge vahi, sumalà is saad te Megbevayà diyà te kandin.

Salmo 127:3

Is menge anak beǥey wey gasa he ebpuun te Nengazen.

Isaias 8:18

Heini e zed wey is menge anak ku he imbeǥey te Nengazen kedì. Menge tuus key para te Israel he ebpuun diyà te Nengazen he Mekeǥeǥehem. Ed-ubpà sikandin diyà te Buvungan he Zion.

Deuteronomio 33:1

Iyan heini menge lalag ni Moises te suluǥuen te Megbevayà hein mibpenubtuvazan din is menge Israilihanen dutun te wazè pa sikandin mebpatey.

1 Samuel 1:20

Ne zutun mibmeǥingey sikandin, ne neuma is penahun ne mid-anak sikandin te maama. Migngezanan te Samuel, su ke sikandin te, “Geina te mibuyù ku sikandin diyà te Nengazen.”

1 Samuel 1:27

Mibuyù ku heini he vatà diyà te Nengazen ne imbeǥey zin kedì is mibuyù ku.