Genesis 48:7 - Manobo Western Bukidnon OT

⁷ Ne zutun migkaǥi pa maan sikandin te, “Egketenuzan ku is kebpatey te iney nu. Ebpuun key zengan diyà te Padan ne midhipanew key pehendiyà te tanà te Canaan. Hein uvey key en diyà te Efrat ne minatey sikandin, umbe ziyè ku zà sikandin ileveng te kilid te zalan pehendiyà te Efrat.” (Ne haazà is inged he Efrat ne iyan guntaan inged he Betlehem.)

Genesis 48:7 ပူးပေါင်းရင်းမြစ်များ

Genesis 25:20

Menge 40 en is penuiǥen ni Isaac dutun te kebpekeesawa zin ki Rebeka he anak ni Betuel he Aramihanen he tig-Padan Aram. Etevey si Rebeka ni Laban he Aramihanen daan.

Genesis 33:18

Hein neuǥet ne nekeuma sikandan diyà te Canaan puun te Padan Aram he wazà mezaat he neulaula kandan. Nekeuma zan diyà te inged he Shekem. Ne impehitindeg dan dutun is menge tulda zan diyà te uvey zutun te inged.

Genesis 35:20

Ne zuen batu he impelastar ni Jacob diyà te leveng ni Raquel, ne taman en guntaan kemulu pa egketuusi is leveng ni Raquel tenged dutun.

Genesis 35:9

Ne zutun te timpu he nekeulì ensi Jacob he ebpuun te Padan Aram, mid-uman en maan mebpaahà is Megbevayà diyà te kandin, ne mibpenubtuvazan din si Jacob.

Genesis 48:6

Ke zuen menge anak nu he wazè pa ianak ne kenikew mulà. Ke zuen menge kevuwazan dan ne elin ebpekepengevilin te menge azen he ebpuun ki Efraim wey ki Manase.”

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Ruth 1:2

Iyan ngazan dutun te maama, si Elimelek. Is esawa zin ne si Naomi, ne is menge anak din, ne si Mahlon wey si Kilion. Menge kevuwazan sikandan ni Efrata he tig-Betlehem he inged te Juda.

1 Samuel 1:1

Duen sevaha he etew he kevuwazan ni Zuf he egngezanan ki Elkana. Heini sikandin ne ziyà med-ubpà te Rama diyà te vuvungan te Efraim. Anak sikandin ni Jeroham he anak ni Elihu. Ne si Elihu anak sikandin ni Tuhu he anak ni Zuf, he ebpuun te tribu ni Efraim.

1 Samuel 10:2

Ked-awè nu guntaan kayì te kedì te heini en andew, duen igkedsinuǥung nu he dezuwa he etew uvey te leveng ni Raquel ziyà te Zelsa he dulunà te Benjamin. Egkaǥi sikandan diyà te kenikew te, ‘Neehè en kes asnu he ebpen-ahaan niw, ne is amey nu ne wazà meseeng duen, kekenà, iyan ka igkeseeng din, ne edtulung ebpenginginsà te menge etew ke hengkey is ed-ul-ulahan din wey zin maahà kes anak din?’ ”

1 Samuel 16:4

Midtuman ni Samuel is insuǥù kandin te Nengazen. Hein nekeume en sikandin diyà te Betlehem, ne midsinuǥung kandin is menge etew he edumala te inged is ebpengerkeren su egkengehandek. Mid-insè dan te, “Meupiya ve is tuud nu te kedhedini?”

1 Samuel 17:12

Duen anak ni Jesse he si David. Si Jesse ne sevaha he Efratahanen he ziyà ed-ubpà te Betlehem he sakup te Juda. Meǥurang en sikandin dutun te timpu te iyan pa hadì si Saul te Israel. Walu is anak din he pudu maama.