Genesis 48:18 - Manobo Western Bukidnon OT

¹⁸ Migkaǥi si Jose te, “Amà, kenà haazà hustu. Su iyan heini kakey; kinahanglan he iyan nu sikandin edempaan te kewanan.”

Genesis 48:18 ပူးပေါင်းရင်းမြစ်များ

Genesis 19:18

Piru midtavak si Lot te, “Egalen ku, kenè ad kenikew epepelaǥuy diyà te vuntud.

Genesis 27:15

Ne zutun migkuwa zin is utew meupiya he visti ni Esau ziyà te valey zan, ne inseluub din heini ki Jacob.

Genesis 29:26

Ne midtavak si Laban te, “Kenà heeyan betasan kayi te kenami he lugar is iyan ibpehuna ibpeesawa is hazi kenà is kakey.

Genesis 43:33

Impemepinuu is menge suled ni Jose sumalà is idad dan puun duen te kakey kandan pehendiyà te hazi ne tenged dutun mibpetengtengtengè dan su utew zan nengeinuinu.

Genesis 48:17

Ne hein naahà ni Jose he indampè te amey zin is kewanan he velad din diyà te purù ni Efraim, wazè din haazà mesuati umbe migewezan din is kewanan he velad te amey zin su wey iyan din mezampà is purù ni Manase.

Genesis 48:19

Piru midtavak is amey zin te, “Uya, mama, netuenan ku. Is menge kevuwazan ni Manase egkehimu he egkevantug ded daan he menge etew. Piru egkelewanan sikandin ni Efraim su egkehimu he utew bentuǥan is menge kevuwazan din, ne egkehimu sikandan he mezakel he menge grupu te menge etew.”

Genesis 49:3

“Sikew Reuben, is kinekekayan he anak ku, iyan ka nehuna he veǥas te kegkemaama ku. Edhuna is kegkeventuǥa wey kedtehuza kenikew te menge suled nu.

Exodus 10:11

Kenà a edtuǥut! Iyan dà is menge maama ibpehipanew para mekaazap te Nengazen, emun iyan heeyan egkesuatan niw.” Ne zutun, impaawà si Moises wey si Aaron dutun te etuvangan te hadì.