Genesis 48:12 - Manobo Western Bukidnon OT

¹² Ne migkuwa ni Jose is menge anak din he midsekepu ni Israel, ne midlangkeb sikandin he iyan kedtahud din te amey zin.

Genesis 48:12 ပူးပေါင်းရင်းမြစ်များ

Genesis 18:2

Mibpememantew si Abraham ne neehè din is tetelu he maama ziyà te uvey. Ne zutun te kegkaahaa zin, migaanggaan medsinuǥung ne midlangkeb diyà te tanà su edtahud.

Genesis 19:1

Ne haazà is dezuwa he menge velinsuǥuen te Nengazen, hein nekeuma zan diyà te inged he Sodom ne mahapun en, diyà si Lot ebpimpinuu te uvey te pultahan dutun te inged. Ne hein neehè din sikandan, midhitindeg sikandin ne midsinuǥung din ne midlangkeb sikandin diyà te tanà te kedtahud, he egkaǥi te,

Genesis 23:7

Ne zutun, segugunà midluhud si Abraham diyà te etuvangan te menge Hitihanen he iyan tuus te kebpeselamat din.

Genesis 33:3

Ne iyan sikandin midhuna te langun kandan ne kepipitu sikandin medlangkeb diyà te tanà dutun te ked-uvey zin diyà te kakey zin.

Genesis 42:6

Ne iyan si Jose gubirnedur te tivuuk he ǥinhedian te Ehipto, iyan sikandin ebelegyà te egkeenen diyà te tivuuk he menge meǥinged dutun. Ne zutun te kebpekeuma te menge kakey zin, midluhud dan diyà te etuvangan ni Jose he iyan kedtahud dan.

Genesis 48:11

Ne migkaǥi si Israel ziyà te ki Jose te, “Kunaan ku zengan ke kenè ku en sikew egkaahà, piru ǥuntaan intuǥut te Megbevayà he kenà iyan ke zà neehè ku, kekenà, elin daan is menge anak nu.”

Genesis 48:13

Ne zutun impeuvey en maan ni Jose is menge anak din diyà te apù dan su wey mepenubtuvazi sikandan. Ne ziyà si Efraim te egkekewanan ni Jose, ne si Manase ziyà te egkeǥivang ni Jose.

1 Hadì 2:19

Umbe, midhendiyà si Batsheba te ki Hadì Solomon te kegkaǥi ziyà te kandin te hangyù ni Adonia. Kegkaahaa kandin ni Solomon, midhitindeg si Solomon puun te pinuuwè din te kedhadì te kedsinuǥung kandin, ne midluhuzan din is iney zin te kedtahud kandin. Ne hein nepasad midlikù mebpinuu ziyà te pinuuwè din te kedhadì. Mibpekuwa sikandin te vangkù ne impesavuk din diyà te zapit te egkekewanan din ne zutun din ipepinuu is iney zin.

2 Hadì 4:37

Midseled haazà is bahi ne midluhud diyà te uvey te paa ni Elisha te kebpeselamat kandin. Ne migkuwa zin sikan is anak din ne impenaug din.

Exodus 20:12

“Tehuza niw is amey niw wey iney niw, su para luǥeyazi kew te untung ne egkeuǥet is ked-ubpè niw zutun te tanà he ibeǥey ku keniyu.

Exodus 34:8

Ne segugunà si Moises midluhud diyà te tanà is ed-azap te Nengazen.

Erubasa 31:28

Utew sikandin egkezeliǥi te menge anak din wey te esawa zin.

Leviticus 19:3

Kinahanglan he edtehuzen niw is iney niw wey amey niw, wey kinahanglan he tumana niw is ebpeveelan ku keniyu zutun te Andew te Kedhimeley. Iyan a kes Nengazen he Megbevayè niw.

Leviticus 19:32

Tehuza niw is menge meǥurang, wey tehuza a zaan keniyu is Megbevayè niw. Iyan a kes Nengazen.