Genesis 48:11 - Manobo Western Bukidnon OT

¹¹ Ne migkaǥi si Israel ziyà te ki Jose te, “Kunaan ku zengan ke kenè ku en sikew egkaahà, piru ǥuntaan intuǥut te Megbevayà he kenà iyan ke zà neehè ku, kekenà, elin daan is menge anak nu.”

Genesis 48:11 ပူးပေါင်းရင်းမြစ်များ

Genesis 37:33

Nekilala ni Jacob haazà is bisti. Ke sikandin te, “Kumbalà heeyan ni Jose. Midhimetayan sikandin te kumekaid he langgam! Siguradu he mibpurungan sikandin deesi te langgam.”

Genesis 37:35

Midhendutun te kandin is langun he menge anak din su edlenganen dan, piru wazà maawà is kegkeseeng din. Ke sikandin te, “Beleǥaza ad keniyu! Iyan ibpatey ku is kegkeseeng ku tenged te kebpatedany te anak ku.” Ne midsigudu en sikandin medsineǥew tenged ki Jose.

Genesis 42:36

Ne migkaǥi si Jacob diyà te kandan te, “Pinaaǥi keniyu egkeewaan a te menge anak ku. Su minatey en si Jose, neewaan a ni Simeon, ne egkuwaan niw pe bes si Benjamin? Utew e en nerasey.”

Genesis 45:26

Hein nekeuma zan diyà, midtudtulan dan is amey zan te uuyag pa si Jose, ne iyan sikandin ebayàbayà te tivuuk he ǥinhedian te Ehipto. Ne netentanan dutun si Jacob ne wazà mekekaǥi; henduen te kenà dutun ebpeketuu sikandin.

Genesis 48:10

Egkezeetan en dutun is menge mata ni Israel su utew en sikandin meǥurang, ne tenged dutun henduen te kenè en sikandin ebpekaahà, umbe impeuvey ni Jose is menge anak din diyà te ki Israel. Ne midhezekan wey migkepkepan sikandan ni Israel.

Genesis 48:12

Ne migkuwa ni Jose is menge anak din he midsekepu ni Israel, ne midlangkeb sikandin he iyan kedtahud din te amey zin.

Salmo 128:6

Wey verakat he meehè niw pa is menge apù niw. Berakat he meupiya is kebpekesavuk te menge etew kayi te Israel.

Erubasa 17:6

Dengeg te meǥurang is menge apù din ne zengeg daan te menge vatà is ginikanan dan.