Genesis 48:10 - Manobo Western Bukidnon OT

¹⁰ Egkezeetan en dutun is menge mata ni Israel su utew en sikandin meǥurang, ne tenged dutun henduen te kenè en sikandin ebpekaahà, umbe impeuvey ni Jose is menge anak din diyà te ki Israel. Ne midhezekan wey migkepkepan sikandan ni Israel.

Genesis 48:10 ပူးပေါင်းရင်းမြစ်များ

Genesis 27:1

Utew en meǥurang si Isaac ne kenè en utew ebpekaahà. Ne mid-umew zin is anak din he kakey he si Esau. Ke sikandin te, “Mama.” Ne midtavak si Esau te, “Hengkey, amà?”

Genesis 27:27

Ne mid-uvey si Jacob diyà te kandin ne midhezekan din. Ne hein nahazek ni Isaac is ngazeg te visti zin, ne mibpenubtuvazan din si Jacob he egkaǥi te, “Heini is ngazeg kayi te anak ku iring te ngazeg te vevesukà he midtuvazan te Nengazen.

Genesis 31:55

Ne hein nepawà, midhezekan ni Laban is menge apù din wey menge anak din he esawa ni Jacob ne mibpenubtuvazan din. Ne zutun migenat su ed-ulì.

Genesis 45:15

Ne midhezekan ni Jose is langun he menge kakey zin he edsineǥaw sikandin. Ne zutun human mekepekidlalag kandin is menge suled din.

Genesis 48:11

Ne migkaǥi si Israel ziyà te ki Jose te, “Kunaan ku zengan ke kenè ku en sikew egkaahà, piru ǥuntaan intuǥut te Megbevayà he kenà iyan ke zà neehè ku, kekenà, elin daan is menge anak nu.”

Genesis 48:8

Ne hein naahà ni Israel is dezuwa he anak ni Jose, mid-insà sikandin te, “Hentei heini?”

1 Hadì 19:20

Mid-ewaan ni Elisha is menge vaka zin su midal-as din si Elias. Ne migkeǥiyan din te, “Edhezekan ku zep-a si amà wey si inà te kebpenemilit diyà te kandan, ne kegkepasad eduma a kenikew.” Midtavak si Elias te, “Uya, piru kenè nu lipati is mibeelan ku ziyà te kenikew.”

Megwewali 12:3

Egkeuma is andew he zutun ebpengerkeren en is menge vekelawan nu wey ebmeluye en is menge paa nu. Ne kenè en ebpekesepà is menge ngipen nu su pira zà he leǥas, ne is menge mata nu kenè en utew ebpekaahà.

Isaias 59:1

Pemineg kew! Kunaan niw vuwa ke meluya wey vengel is Nengazen, ne tenged dutun kenè kew zin egkehimu te edlibri wey kenà sikandin ebpekezineg ke ed-umawen niw.

Isaias 6:10

Ne migkaǥi pa sikandin te, “Ipemezesen nu is gehinawa kayi he menge etew. Himuwa nu sikandan he vengel wey lakap, su kela ke mekeehè dan wey mekezineg, ne ebpekesavut sikandan ne edlikù dan kayi te kediey, ne egkeulian sikandan.”

Deuteronomio 34:7

Is keǥurang ni Moises 120 he tuig dutun te kebpatey zin, piru mezesen pa sikandin ne meupiya pa is ked-ehè din.

1 Samuel 3:2

Sevaha zutun he mezukilem, edlipezeng si Eli ziyà te ruǥu zin. Dutun he timpu kenè en utew ebpekaahà si Eli.