Genesis 48:1 - Manobo Western Bukidnon OT

¹ Neuma is timpu he netudtulan si Jose he edezaru is amey zin he si Jacob. Umbe miduma zin is dezuwa he anak din he si Manase wey si Efraim ne midhendiyà dan te amey zin.

Genesis 48:1 ပူးပေါင်းရင်းမြစ်များ

Genesis 48:2

Hein netudtulan si Jacob he nekeuma is anak din he si Jose, midteǥel sikandin med-enew ne mibpinuu ziyà te hizeǥaan din.

Genesis 48:5

Ne ke si Jacob en maan te, “Ne ǥuntaan, sikan is dezuwa he anak nu he maama he kayi ianak te Ehipto te wazè e pa mekeuma zini, ne egkeragkes sikandan te kediey he menge anak. Kediey en si Efraim wey si Manase, iring te menge anak ku zaan si Reuben wey si Simeon.

Genesis 50:23

Neseutan pa sikandin te menge apù din te veul he menge kevuwazan ni Efraim. Ne neseutan pa zaan sikandin te menge apù din he menge anak ni Makir he anak ni Manase.

2 Hadì 13:14

Hein uuyag pa si Hadì Jehoash, nezeruwan si Elisha ne henduen be te ebpatey en sikandin. Midhendiyà si Hadì Jehoash te kandin ne midsineǥew haazà is hadì. Ke si Jehoash te, “Amey ku! Amey ku! Is menge kerwahi wey is menge perekerwahi te Israel!”

2 Hadì 13:20

Dutun te huziyan he timpu minatey si Elisha ne inleveng. Kada tuig duen grupu te menge Moabitanhen he edsurung te Israel.

Job 42:16

Ne puun dutun neuyag-uyag pa si Job seled te 140 pa he tuig, ne neehè din pa is menge kevuwazan din taman te ikeepat he lapis.

Salmo 128:6

Wey verakat he meehè niw pa is menge apù niw. Berakat he meupiya is kebpekesavuk te menge etew kayi te Israel.