Genesis 47:6 - Manobo Western Bukidnon OT

⁶ egkehimu he ebpekeubpà is pemilya nu kayi te Ehipto. Diyè nu ipeubpà sikandan te Goshen, he sevaha te meupiya he tanà te Ehipto. Emun duen nu netuenan kandan he egkeseriǥan, himuwa nu sikandan he menge bekidu te menge uyaǥen ku.”

Genesis 47:6 ပူးပေါင်းရင်းမြစ်များ

Genesis 13:10

Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)

Genesis 13:9

Meupiya pa ke ebpesuwayè ki, su mezakel pa is lugar he egkehelinan, ne pilì ka, ke hendei is egkesuatan nu, emun iyan ebpilien nu is dapit te egkeǥivang ne ziyà a edhalin te zapit te egkekewanan. Piru ke iyan ebpilien nu is dapit he egkekewanan, ne ziyà a te zapit te egkeǥivang.”

Genesis 20:15

Ne migkeǥiyan ni Abimelec si Abraham te, “Andam a te kebpeubpà keniyu kayi te tanè ku, ne iyan ka pilì ke hendei ka egkesuat he ed-ubpà.”

Genesis 34:10

Egkehimu he ebpekeubpè kew kayi te kenami he tanà su kenè dey keniyu ibarew. Dini kew ubpà; dini kew petiǥayun minsan hendei ne ebpekaangken kew te tanà.”

Genesis 45:10

Keǥiyi niw sikandin he egkehimu he ebpekeubpà sikandin diyà te inged he Goshen duma te menge anak din wey menge apù din, menge uyaǥen, wey is langun he menge azen din, para uvey zà sikandin kayi te kedì.

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

Genesis 47:11

Ne mibeǥayan ni Jose is amey zin wey is menge suled din te utew memeupiya he tanà diyà te Ehipto ziyà te tanà he Rameses sumalà is insuǥù kandin dutun te hadì.

Genesis 47:16

Migkaǥi si Jose te, “Emun wazè niw en selapì, uwita niw zini is menge uyaǥen niw ne egkehimu he idliwè niw te keuyaǥan.”

Genesis 47:4

Ne migkaǥi zan daan te, “Midhendini key su zini key zèpa ed-ubpà su utew gerabi he vitil ziyà te Canaan, ne wazè en egkepenebtavan te menge uyaǥen dey. Pekelalaglalag ka he tuǥuti key he mekeubpè key ziyà te Goshen.”

Genesis 47:5

Ne migkaǥi haazà is hadì diyà te ki Jose te, “Guntaan te nekeuma en is amey nu wey menge suled nu,

1 Hadì 11:28

Ne heini si Jeroboam mevurut he etew, ne hein naahà ni Solomon is keǥied kayi he etew, ne impezumala zin te langun he menge etew he mibpeǥes din te kedterebahu he ebpuun diyà te tribu ni Efraim wey ni Manase.

2 Cronica 26:10

Midtukud daan sikandin te menge turi ziyà te sibsivayan ne mibpekalut te mezakel he menge vudsi he punduwà te wahig su utew mezakel is menge ayam din diyà te menge mibuntud-buntud diyà te edsenlepan wey ziyà te menge suǥud. Mevasuk daan sikandin. Duen din menge sakup he ebantey zutun te menge vevesukè din wey menge pemuleey te paras diyà te menge vuvungan wey ziyà te egkeveluyan he menge suǥud.

Exodus 18:21

Iyan, pilì ka te metau he menge etew he ebpekeuǥup kenikew te kebpenhusey nu. Kinahanglan he metau sikandan he edhusey, edtahud te Megbevayà, egkeseriǥan, ne kenà edawat te sipsip. Himuwa sikandan he menge zatù te menge grupu te menge etew he tig-1,000, tig-100, tig-50 wey tig-10.

Exodus 18:25

Mibpilì sikandin te menge Israilihanen te menge etew he uluwanen he edhusey, ne midhimu zin sikandan he menge upisyal te grupu te menge etew he tig-1,000, tig-100, tig-50, wey tig-10.

Exodus 9:10

Umbe, migkuwa sikandan te avu ziyà te repuǥà ne midhitindeg sikandan diyà te etuvangan te hadì. Insimburà haazà ni Moises diyà te hewhewanan, ne zutun mibpenlevaǥan te menge levag he ednanà is menge etew wey menge ayam.

Exodus 9:21

Piru sikan is duma he wazà medseǥipà dutun te migkaǥi te Nengazen; ne ziyè dà mulà te gawas is kandan he menge uripen wey menge uyaǥen.

Erubasa 21:1

Is isip te menge hadì ne iring te wahig he iyan ebayàbayà is Nengazen te kedtudè din. Iyan ebayàbayà kayi sikandin sumalà te egkesuatan din.

Erubasa 22:29

Is etew he metau he ebaal te edterebehuwen din ebpekepenilbi te hadì ne kenè diyà te menge etew zà duen.

Jeremias 40:4

Piru ǥuntaan, ebengkasen ku is ingkedina kenikew ne ibpaawè ku sikew. Emun egkesuat ka, ne zuma ka kedì diyà te Babilonia su ed-etimanen ku sikew. Piru emun kenè ka, ne kenà heini ibmezaat te gehinawa ku. Ahàa nu is tivuuk he lugar; ne vayàbayà ke en ke hendei ka ebpevayà.

1 Samuel 21:7

Neserengà te haazà he andew ne ziyà is suluǥuen ni Saul he si Doeg he Edomanhen. Iyan sikandin pengulu te ebantey te menge uyaǥen ni Saul. Diyà sikandin su zuen din sulunuzen para te Nengazen.