Genesis 47:30 - Manobo Western Bukidnon OT

³⁰ Emun ebpatey ad, ne ileveng a kenikew ziyà te penlevengà te menge kepuun ku.” Ne midtavak dutun si Jose te, “Uya, edtumanen ku is intelaan nu kediey.”

Genesis 47:30 ပူးပေါင်းရင်းမြစ်များ

Genesis 15:15

Sikew mulà, ebpekeluǥeyazen ku is untung nu; ebpatey ka tenged te keǥuǥurangi nu he melinawen.

Genesis 23:17

Umbe naangken ni Abraham haazà is bevesukà ni Efron diyà te Macpela, he uvey te inged he Mamre, ragkes is surung wey is menge kayu he nekeelibet dutun te vevesukà. Nepirmahan te langun he menge Hitihanen he nevurun diyà te pultahan te inged.

Genesis 23:19

Ne inleveng ni Abraham is esawa zin he si Sara ziyà te surung he ziyà te tanà he Macpela, he sakup te tanà he Canaan. Is Macpela uvey te Mamre he iyan guntaan kes inged he Hebron.

Genesis 25:10

Haazà is tanà, ne mibpemasa ni Abraham dutun te menge Hitihanen. Diyà si Abraham ileveng wey is esawa zin he si Sara.

Genesis 25:9

Inleveng sikandin te menge anak din he si Isaac wey si Ishmael ziyà te surung he Macpela, he uvey te Mamre, he vevesukà dengan ni Efron he anak ni Zohar he Hitihanen.

Genesis 35:29

Meǥurang en utew sikandin te kebpatey zin, ne in-amur sikandin te menge kepuun din he nemematey en. Inleveng sikandin te menge anak din he si Esau wey si Jacob.

Genesis 50:25

Ne zutun, impepenangdù ni Jose is menge Israilihanen. Ke sikandin te, “Ipenangdù niw he emun ibpeawè kew en te Megbevayà kayi he lugar ne uwita niw is menge tulan ku.”

2 Samuel 19:37

Ed-ulì e en, su emun ebpatey a ne ziyè e zed ebpatey te kediey he inged, he zutun daan ileveng is ginikanan ku. Heini zed is anak ku he si Kimhan ibpezuma ku kenikew para egkehimu he suluǥuen nu. Dumaha nu sikandin, Mahal he Hadì, ne iyan ke en metau ke hengkey is meupiya he ebpeveelan nu kandin para kenikew.”

2 Samuel 2:32

Migkuwa eni Joab is minatey he lawa ni Asahel ne inleveng diyà te midlevengan te amey zin diyà te Betlehem. Ne zutun tivuuk he mezukilem is kedhipanew zan, ne nekeuma sikandan diyà te Hebron.

1 Hadì 13:22

Migkeǥiyan ke zin te kenè ka megkaan wey med-inum kayi he lugar, piru midlikù ka kayi ne migkaan ka wey mid-inum. Ne tenged kayi te mibeelan nu, ebpatey ka he kenà diyà igkeleveng te midlevengan te menge kepuun nu.’ ”

Nehemias 2:3

piru midtavak ku haazà is hadì te, “Mebmeluǥuyad is untung nu, Mahal he Hadì! Egkeseeng a su ǥeina te nevengkag is inged he midlevengan te menge kepuun ku ne neepur is menge pultahan din.”

Nehemias 2:5

ne hein nekepasad a, midtavak ku haazà is hadì te, “Mahal he Hadì, emun nekepenunuat a kenikew, ne ke egkehimu, egkesuat a he ed-ulì diyà te Juda, su ed-umanan ku ebenguna is inged he Jerusalem he iyan midlevengan te menge kepuun ku.”

Deuteronomio 31:16

Ne migkaǥi is Nengazen diyà te ki Moises te, “Meǥaan ke en ebpatey ne ebpekaamur ka ziyà te menge kepuun nu. Emun wazè ke en, ne heini he menge etew ed-azap te zuma he menge ed-ezapen he ed-ezapen te menge etew ziyà te tanà he ebpeveyaan dan. Ed-iniyuǥan e zan ne edrepasen dan is kebpekid-uyun ku kandan.