Genesis 47:25 - Manobo Western Bukidnon OT

²⁵ Ne midtavak dan te, “Datù, utew meupiya is mibeelan nu kenami, su midlibri key kenikew. Ne ebpezumazuma key he egkehimu he menge uripen te hadì.”

Genesis 47:25 ပူးပေါင်းရင်းမြစ်များ

Genesis 18:3

Ke sikandin te, “Datù, emun meupiya zà te ǥehinawa niw, ne tuluy kew zèpa kayi te kenami.

Genesis 32:6

Ne hein nekelikù is menge midsuǥù ni Jacob, ke sikandan te, “Midhendiyè key te ki Esau, ne migenat en su edsinuǥungen ke zin. Duen din duma he 400 he menge maama.”

Genesis 33:15

Ne migkaǥi si Esau te, “Emun iyan heeyan, idtaǥak ku nasì is duma he menge sakup ku kenikew.” Midtavak si Jacob te, “Kenè en kinahanglan. Is impurtanti ne midawat a kenikew.”

Genesis 41:45

Ne migngezanan dutun te hadì si Jose te si Zafenat Panea, ne impepengesawa zin ki Asenat he anak ni Potifera he iyan lavew he memumuhat diyà te inged he On. Ne nehimu si Jose he gubirnedur te tivuuk he ǥinhedian te Ehipto.

Genesis 47:24

Ne emun edraǥun kew en, iveǥey niw ziyà te hadì is ikelima he vahin te egkeraǥun niw. Ne keniyu en haazà is nesamà, para zuen niw igkepemula wey zuen daan keuyaǥan te tivuuk he pemilya niw.”

Genesis 47:26

Umbe midhimu ni Jose is belaud diyà te tanà te Ehipto he is ikelima he vahin te egkeraǥun ne para te hadì. Heini he velaud kemulu pa taman en guntaan. Iyan dà wazà maangken te hadì is tanà te menge memumuhat.

Genesis 50:20

Su minsan pa te mezaat is tuyù niw kediey, mibpengelinteuwan te Megbevayà he meupiya is pangkus din. Su impelavew e zin su wey kiw is mezakel melibri ne kenà meumes.

Genesis 6:19

Ne ibpeseled nu zaan duma keniyu zutun te arka is langun he kelasi te menge linimbag he egeǥehinawa su wey kenè dan daan melimas. Tig-dezuwa te kada kelasi is ibpedparis niw he meemahan wey vehiyan.

Ruth 2:13

Ne ke si Ruth te, “Utew zekelà is hizu nu kediey. Inmeupiya utew te ǥehinawa ku is menge lalag nu he menayù, minsan pa te siak wazè e en mekerepeng te menge suluǥuen nu.”