Genesis 47:17 - Manobo Western Bukidnon OT

¹⁷ Ne zutun mid-uwit dan diyà te ki Jose is menge uyaǥen dan he menge kudà, asnu, vaka, wey kerehidu, ne inliwè dan haazà diyà te ki Jose te keuyaǥan. Ne pinaaǥi kayi te kedliwaa zan te menge uyaǥen dan midhimu ni Jose he kenè dan bitila taman te senge tuig.

Genesis 47:17 ပူးပေါင်းရင်းမြစ်များ

Genesis 47:16

Migkaǥi si Jose te, “Emun wazè niw en selapì, uwita niw zini is menge uyaǥen niw ne egkehimu he idliwè niw te keuyaǥan.”

Genesis 47:18

Kedlavey te senge-tuig, midhendiyè en maan is menge etew te ki Jose, ke sikandan te, “Wazà mekeeles kenikew he wazè dey en selapì, ne is menge uyaǥen dey diyan en te kenikew. Wazè en nesamà kenami, gawas te lawa zey wey tanà.

1 Hadì 10:28

Is menge kudà ni Solomon diyà ebpuun te Ehipto wey Cilicia. Hustu he vali is impemasa kayi ziyà te Cilicia te menge perepemasa.

Job 2:4

Midtavak si Setanas te, “Edewaten te etew is kegkehanew te langun he ziyà te kandin basta meuyag sikandin.

Exodus 9:3

ne zuen meveǥat he ibpigada ku he iyan is kebpematey te menge uyaǥen nu ziyà te vevesukà–ebpematey is menge kudè niw, menge asnu niw, menge kemilyu niw, menge vaka niw, menge kerehidu niw, wey menge kambing niw.

Isaias 31:1

Mekehizuhizu kew is mibuyù te tavang diyà te Ehipto. Midsarig kew te meǥaan he menge kudè dan, mahabet he menge kerwahi zan, wey memezesen he menge pereuntud dan te kudà. Piru wazè kew midsarig te Nengazen, he Waǥas he Megbevayà te Israel, ne wazè kew mebuyù te tavang din.