Genesis 47:12 - Manobo Western Bukidnon OT

¹² Ne is amey zin, is menge suled din, wey is langun he menge sakup te amey zin ragkes te menge vatà, ne midsupurtar ni Jose te egkeenen.

Genesis 47:12 ပူးပေါင်းရင်းမြစ်များ

Genesis 45:10

Keǥiyi niw sikandin he egkehimu he ebpekeubpà sikandin diyà te inged he Goshen duma te menge anak din wey menge apù din, menge uyaǥen, wey is langun he menge azen din, para uvey zà sikandin kayi te kedì.

Genesis 45:11

Ne emun diyè en sikandin te Goshen, ne ed-elimahan ku sikandin su zuen pa lelima he tuig he vitil he ebpeebuten. Kenè ku egkesuatan he egkeumes sikandin wey is menge pemilya zin ragkes is menge uyaǥen din.”

Genesis 45:7

Piru impehuna a zini te Megbevayà su ebpengelinteuwan din he kenè kew mebpatey te vitil ne zuen samà kenitew zini te kelibutan.

Genesis 47:1

Ne midhendiyà si Jose te hadì te Ehipto ne ke sikandin te, “Nemekeume en is amey ku wey menge suled ku he ebpuun te tanà he Canaan, ne uwiten dan is langun he menge azen dan wey menge uyaǥen dan, ne ziyè dan en te Goshen.”

Genesis 47:21

Pinaaǥi zutun midhimu ni Jose he menge suluǥuen te hadì is menge etew ziyà te tivuuk he tanà te Ehipto.

Genesis 47:24

Ne emun edraǥun kew en, iveǥey niw ziyà te hadì is ikelima he vahin te egkeraǥun niw. Ne keniyu en haazà is nesamà, para zuen niw igkepemula wey zuen daan keuyaǥan te tivuuk he pemilya niw.”

Genesis 50:21

Umbe kenè kew mahandek su ed-elimahan ku sikiyu wey is menge anak niw.” Iyan heini menge lalag din kandan he menayù su wey mekesarig dan kandin.

Exodus 20:12

“Tehuza niw is amey niw wey iney niw, su para luǥeyazi kew te untung ne egkeuǥet is ked-ubpè niw zutun te tanà he ibeǥey ku keniyu.

Isaias 22:24

Ne is tivuuk he pemilya zin wey menge kezuzumahi zin ne edsarig kandin. Iring sikandin te selenggatà he zutun isanggat is nekedseselekawà he zezeisey he menge teleǥuey, puun te menge yehung pehendiyà te menge tivud.

Ruth 4:15

Mahal ka ziyà te ǥehinawa te ambey nu ne minsan pa ke pitu pa is menge anak nu he maama kenà egkehimu he egkelevawan dan is tavang kenikew ni Ruth. Ne ǥuntaan pinaaǥi kandin mid-apù ke en. Pinaaǥi kayi te vatà meupiya zed is kebpekesavuk nu keuzemà ke ebmeǥurang ka su iyan ed-elima kenikew.”