Genesis 46:5 - Manobo Western Bukidnon OT

⁵ Ne zutun, migenat en maan ensi Jacob he ebpuun te Beersheba, ne impeuntud dan sikandin te menge kerwahi he imbeǥey te hadì te Ehipto para kandin. Ne impeuntud dan daan is menge esawa zan wey menge anak dan.

Genesis 46:5 ပူးပေါင်းရင်းမြစ်များ

Genesis 21:14

Meselem pa utew zutun te sunud he andew, migkuwa si Abraham te egkeenen wey lundis he teleǥuey te wahig, ne imbeǥey zin ki Hagar. Ne impevava zin haazà ne impeǥenat din haazà is bahi wey is batà. Ne migenat en dutun si Hagar ne midriǥuriǥu ziyà te sibsivayan te Beersheba.

Genesis 45:19

Keǥiyi nu sikandan he med-uwit dan te menge kerumata he ebpuun kayi te Ehipto he egkeuntuzan te menge esawa zan wey te menge anak dan wey zan mekahalin dini. Ne uwita zan dini is amey zan.

Genesis 45:21

Midtuman heini te menge anak ni Jacob. Ne sumalà te suǥù te hadì te Ehipto, impeuwit ni Jose is menge suled din te menge kerumata ne impelulutù din te egkekaan dan te edhipanew.

Genesis 45:27

Piru hein midtudtulan dan sikandin te langun he migkaǥi ni Jose ziyà te kandan, wey hein neehè din is menge kerwahi he impeuwit ni Jose he ebpeuntuzan kandin wey mekehalin sikandin diyà te Ehipto, ne nekelikù is hustu he ked-isip-isip din.

Exodus 10:24

Ne mibpesuǥuan te hadì si Moises ne migkeǥiyan din te, “Genat kew en! Ezapa niw en is Nengazen, su elin ku en ibpezuma keniyu is menge pemilya niw, iyan dà itaǥak niw is menge uyaǥen niw.”

Exodus 10:26

Ed-uwiten dey is langun he uyaǥen dey; kinahanglan he wazà minsan sevaha he egkesamà. Su wazè dey pa metueni ke hengkey he kelasi te uyaǥen is ibpepemuhat te Nengazen kenami. Emun diyè key en ne human dey egketueni.”

1 Samuel 12:8

“Hein diyè pa te Ehipto is menge kevuwazan ni Jacob, mibuyù dan te penavang te Nengazen, ne midsuǥù te Nengazen si Moises wey si Aaron he iyan mibpeǥawas kandan diyà te Ehipto ne iyan miduma kandan kayi he tanà.