Genesis 46:10 - Manobo Western Bukidnon OT

¹⁰ Is menge anak he maama ni Simeon iyan ensi Jemuel, si Jamin, si Ohad, si Jakin, si Zohar, wey si Shaul ne iyan heini anak ni Simeon pinaaǥi te vahi he tig-Canaan.

Genesis 46:10 ပူးပေါင်းရင်းမြစ်များ

Genesis 28:1

Ne mid-umew zutun ni Isaac si Jacob, ne mibpenubtuvazan din, wey migkeǥiyan din te, “Kenè ka limbe pengesawa te vahi he tig-Canaan.

Genesis 29:33

Ne mid-uman sikandin mebmeǥingey, ne mid-anak en maan sikandin te maama. Migkaǥi sikandin te, “Mid-umanan a veǥayi te Nengazen te sevaha he anak he maama su nezineg din he wazà a mahala te esawa ku.” Umbe migngezanan din haazà is batà te Simeon.

Genesis 34:25

Kedlevey zutun te tetelu he andew, zutun te kemulu pa egkesekiti is menge maama te kedsirkunsidara kandan, midseled dutun te inged kes dezuwa he menge anak ni Jacob, si Simeon wey si Levi, is menge kakey ni Dina. Wazà metueni te menge etew zutun he mezaat bes is tuyù dan. Mid-uwit dan te ispada ne mibpenhimetayan dan is langun he menge maama zutun.

Genesis 34:30

Ne migkeǥiyan ni Jacob si Simeon wey si Levi te, “Mibeǥayan a keniyu te utew zekelà he samuk. Edumutan kiw en te menge Canaanhen wey menge Pirisihanen he menge meǥinged kayi te tanà. Mezakel zan, kenè kiw, ne emun ebpetebtevangè dan ne edsurungen kiw zan, egkaamin kiw zan te edhimatey.”

Genesis 46:11

Is menge anak he maama ni Levi ne iyan si Gershon, si Kohat, wey si Merari.

Genesis 46:9

ne is menge anak he maama ni Reuben ne iyan si Hanoc, si Palu, si Hezron, wey si Carmi.

1 Cronica 2:1

Iyan heini sikandan menge anak ni Israel he menge maama: Reuben, Simeon, Levi, Juda, Isacar, Zebulun,

Exodus 6:15

Is menge anak he maama ni Simeon iyan ensi Jemuel, Jamin, Ohad, Jakin, Zohar, wey si Shaul. (Heini si Shaul anak ni Simeon he Canaanhen is iney zin.) Ne iyan sikandan wey is menge kevuwazan dan menge pemilya he ebpuun ki Simeon.