Genesis 45:6 - Manobo Western Bukidnon OT

⁶ Dezuwe en he tuig is ked-aǥi te vitil zini te kenitew ne egkeumanan pa heini te lelima he tuig he wazà egkeraǥun te ebasuk.

Genesis 45:6 ပူးပေါင်းရင်းမြစ်များ

Genesis 37:2

Iyan heini guǥud mehitenged te pemilya ni Jacob: Hein 17 is penuiǥen ni Jose, mid-uǥup en sikandin te menge kakey zin te kebantey te menge uyaǥen. Haazà he menge kakey zin, ne menge anak ni Bilha wey ni Zilpa he menge esawa te amey zin. Ebpenudtulen ni Jose ziyà te amey zin mezaat he menge ulaula te menge kakey zin.

Genesis 41:35

Kinahanglan he ibeǥey nu kandan is keǥehem wey zan mekepenguwa te egkeenen dutun te menge tuig he meupiya is menge abut su wey zan ikepezerengdeng wey ikepeventayi kandan seled te menge inged.

Genesis 41:46

Mibpenuiǥen dutun si Jose te 30 zutun te timpu te kedhimuwa kandin he lavew he upisyal te hadì. Ne mid-awà sikandin dutun te etuvangan te hadì ne midhipanew he midtukid din susiya is langun he menge inged diyà te Ehipto.

Genesis 41:53

Ne nepangkus haazà is pitu he tuig he utew zekelà is neraǥun diyà te Ehipto,

Genesis 41:54

ne neume en haazà is pitu he tuig he vitil sumalà is netagnà ni Jose. Mibitil is menge meǥinged te minsan hendei he ǥinhedian, iyan, duen mulà egkeenen diyà te ǥinhedian he Ehipto.

Genesis 41:56

Ne hein nekeeneb en is bitil ziyà te tivuuk he ǥinhedian, mibpepuwasan ni Jose is menge budiga ne mibelegyà te egkeenen diyà te menge tig-Ehipto su utew en mepait is bitil ziyà te tivuuk he Ehipto.

Genesis 47:18

Kedlavey te senge-tuig, midhendiyè en maan is menge etew te ki Jose, ke sikandan te, “Wazà mekeeles kenikew he wazè dey en selapì, ne is menge uyaǥen dey diyan en te kenikew. Wazè en nesamà kenami, gawas te lawa zey wey tanà.

Genesis 47:23

Ne zuen migkaǥi ni Jose ziyà te menge etew, ke sikandin te, “Guntaan te nepemasa ku en sikiyu wey is menge tanè niw he para te hadì, ebeǥayan ku sikiyu te venì wey kew mekepemula.

Exodus 34:21

“Terebahu kew seled te heenem he andew, iyan, dutun te ikepitu he andew ne himeley kew, minsan timpu te kebpengeradu wey tiraǥun.

Isaias 30:24

Is menge vaka niw wey menge asnu he para te id-eradu, ebpenabtab te igketaami zan he kumpey.

Deuteronomio 21:4

Ne uwita zan haazà diyà te tanà he uvey te zal-ug he wazè pa keenu meeradu wey wazè pa mepemulai is tanà he avey zin. Ne bunggua zan dutun haazà is baka.

1 Samuel 8:12

Is duma kandan edhimuwen din he menge upisyal he edumala te tig-1,000 he sundaru, ne is duma 50 he sundaru. Ne is duma ne ibpeeradu te pemuleey zin wey ibpeeǥani te sebpet din, ne is duma ne ibpepandey zin te menge ǥumaan para te tebek wey zuma pa he menge gelemiten para te kerwahi.