Genesis 45:27 - Manobo Western Bukidnon OT

²⁷ Piru hein midtudtulan dan sikandin te langun he migkaǥi ni Jose ziyà te kandan, wey hein neehè din is menge kerwahi he impeuwit ni Jose he ebpeuntuzan kandin wey mekehalin sikandin diyà te Ehipto, ne nekelikù is hustu he ked-isip-isip din.

Genesis 45:27 ပူးပေါင်းရင်းမြစ်များ

Genesis 45:19

Keǥiyi nu sikandan he med-uwit dan te menge kerumata he ebpuun kayi te Ehipto he egkeuntuzan te menge esawa zan wey te menge anak dan wey zan mekahalin dini. Ne uwita zan dini is amey zan.

Genesis 45:28

Ne migkaǥi si Jacob te, “Nevenaran a human! Uuyag pe bes iyan is anak ku he si Jose! Edhendiyà a te kandin wey ku sikandin maahà te kenè e pa ebpatey!”

Salmo 85:6

Kenè be egkehimu ke idlikù nu kayi te kenami is meupiya he kebpekesavuk dey su wey key melipey tenged kenikew?

Erubasa 25:25

Is kebpemineg te meupiya he tudtulanen he ebpuun diyà te meziyù, ne iring te ked-inum te meǥenew he wahig emun egkemazahan ki.

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Hoseas 6:2

Egkeiring kiw te minatey he segugunà ed-uyaǥen. Te kenà egkeuǥet ne ibpeenew kiw zin, ne ebpengungubpaan kiw ziyà te etuvangan din.

Zatù 15:19

Umbe, impetudà te Megbevayà is wahig he ebpuun te nevudsiyan he tanà diyà te Lehi. Mid-inum dutun si Samson ne midlikù is desen din. Heini he serebseb migngezanan te En Hakore. Ne taman en guntaan kemulu heini ziyà te Lehi.

1 Samuel 30:12

wey sengekemkem he ingkagkag he higus wey dezuwa he akup he pasas, su tetelu he andew he wazà mekekaan wey wazà mekeinum, ne hein nekekaan wey nekeinum sikandin ne human pa mebmezesen sikandin.