Genesis 45:22 - Manobo Western Bukidnon OT

²² Mibeǥayan ni Jose te ed-ilisan is kada sevaha kandan; piru is imbeǥey zin ki Benjamin ne lelima he ed-ilisan wey 300 he elad he pelata.

Genesis 45:22 ပူးပေါင်းရင်းမြစ်များ

Genesis 43:34

Duen menge idsezà he ebpuun te lemisahan ni Jose he impehated din diyà te kandan ne is imbeǥey ki Benjamin, ne kelelima metakep te kezekelà te imbeǥey ziyà te menge kakey zin. Ne migkaan dan ne mid-inum dan duma ki Jose ne mibmeupiya is gehinawa zan.

Genesis 45:23

Mibpeuwitan din daan is amey zin te 10 he asnu he migkergahan te menge meupiya he menge pruduktu te Ehipto, wey 10 he asnu he menge vehiyan he migkergahan te veǥas te trigu, supas, wey edlutuen te amey zan te kedhipanew.

2 Hadì 5:5

Midtavak haazà is hadì te Aram te, “Genat ka, ne uwita nu is surat ku ziyà te hadì te Israel.” Umbe migenat si Naaman he mid-uwit te gasa he 350 he kilu he pelata, 70 he kilu he vulawan, wey sepulù he lukut he visti.

Zatù 14:12

Migkaǥi si Samson diyà te kandan te, “Duen ibpeentuk ku keniyu. Emun egkeentuk niw te kenè pa egketapus heini is pitu he andew he keemuran, ebeǥayan ku sikiyu te 30 he lukut he manggad he linu wey 30 he mahalen he menge visti.

Zatù 14:19

Ne midumala en maan si Samson te Mulin-ulin te Nengazen. Midhendiyà sikandin te Ashkelon ne zutun midhimatey sikandin te 30 he etew ne midtavan din is kumbalè dan wey zuma he menge azen dan. Ne imbeǥey zin haazà is menge visti ziyà te menge etew he nekeentuk te peentukè din. Ne hein nepasad haazà mid-ulì sikandin diyà te menge ginikanan din is utew nepauk tenged dutun te nehitavù.