Genesis 45:21 - Manobo Western Bukidnon OT

²¹ Midtuman heini te menge anak ni Jacob. Ne sumalà te suǥù te hadì te Ehipto, impeuwit ni Jose is menge suled din te menge kerumata ne impelulutù din te egkekaan dan te edhipanew.

Genesis 45:21 ပူးပေါင်းရင်းမြစ်များ

Genesis 45:19

Keǥiyi nu sikandan he med-uwit dan te menge kerumata he ebpuun kayi te Ehipto he egkeuntuzan te menge esawa zan wey te menge anak dan wey zan mekahalin dini. Ne uwita zan dini is amey zan.

Genesis 45:20

Kenè dan menuǥuni is menge azen dan he egkengetaǥak dan su is menge meupiya he menge azen kayi te tivuuk he Ehipto ne egkaangken dan.”

Genesis 45:27

Piru hein midtudtulan dan sikandin te langun he migkaǥi ni Jose ziyà te kandan, wey hein neehè din is menge kerwahi he impeuwit ni Jose he ebpeuntuzan kandin wey mekehalin sikandin diyà te Ehipto, ne nekelikù is hustu he ked-isip-isip din.

Genesis 46:5

Ne zutun, migenat en maan ensi Jacob he ebpuun te Beersheba, ne impeuntud dan sikandin te menge kerwahi he imbeǥey te hadì te Ehipto para kandin. Ne impeuntud dan daan is menge esawa zan wey menge anak dan.

2 Cronica 35:16

Nepasad dutun he andew is tivuuk he tulumanen para te Pista te Kedlavey te Belinsuǥuen he midsilibra para te Nengazen, ragkes is kebpemuhat te menge pemuhat he edtutungen diyà te pemuhatà he para te Nengazen, sumalà is insuǥù ni Hadì Josia.

2 Cronica 8:13

Midtuman din is suǥù ni Moises he ebpemuhat sumalà is kinahanglan he ibpemuhat kada andew wey te Andew te Kedhimeley, te Pista te Kebpuun te Hayag, wey te tetelu he pista he edsilibrahan kada tuig: is Pista te Supas he Wazè din Tapey, is Pista te Kedraǥun, wey is Pista te Kebaal te menge Lawig.

Exodus 17:1

Sumalà te suǥù te Nengazen, mid-awà is tivuuk he keet-etawan te Israel ziyà te sibsivayan he Sin ne midlaus dan te kedhipanew zan. Neketulung en sikandan mekahalinhalin taman te nekeuma zan diyà te sevaha he lugar. Ne ziyè dan megkampu te Refidim, piru wazà wahig he egkeinum diyà.

Megwewali 8:2

Tumana nu is suǥù te hadì su insaad nu ziyà te Megbevayà he ebeelan nu heini.

Penhulùhulù 1:18

Migkaǥi is Jerusalem te, “Metazeng is Nengazen; piru wazè ku tumana is suǥù din. Sikiyu is langun he menge etew, pemineg kew, wey tengtengi niw is kegkerasey ku. Mibihag is menge vetan-en ku he menge vahi wey menge maama.

Ezekiel 23:24

Edsurung heini kenikew he ebpuun diyà te zizaya duma te mahabet he menge sundaru, menge kudà, wey menge kerwahi. Duen dan menge kelasag wey menge hilmit, ne edliǥuyan ke zan. Ibeǥey ku sikew kandan, ne edsilutan ke zan sumalà te egkesuatan dan he idsilut.

Numero 3:16

Umbe, mibilang sikandan ni Moises sumalà te insuǥù kandin te Nengazen.