Genesis 45:18 - Manobo Western Bukidnon OT

¹⁸ Ne dumaha zan is amey niw wey is menge pemilya zan dini te kediey. Ebeǥayan ku sikandan te utew meupiya he tanà dini te ǥinhedian ku he Ehipto. Ibpekaan ku sikandan te utew meupiya zini te ǥinhedian ku.’

Genesis 45:18 ပူးပေါင်းရင်းမြစ်များ

Genesis 27:28

Berakat he veǥayi ka te Megbevayà te uuzaran he tanà he layun egkahames te zehemug he ibeǥey zin, su wey utew zekelà is keuyaǥan nu wey vinu.

Genesis 45:17

Migkaǥi haazà is hadì diyà te ki Jose te, “Keǥiyi nu is menge suled nu he iyan ibpeulaula ku kandan is: ‘Kergahi zan is menge asnu zan ne med-ulì dan diyà te Canaan.

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

Genesis 47:6

egkehimu he ebpekeubpà is pemilya nu kayi te Ehipto. Diyè nu ipeubpà sikandan te Goshen, he sevaha te meupiya he tanà te Ehipto. Emun duen nu netuenan kandan he egkeseriǥan, himuwa nu sikandan he menge bekidu te menge uyaǥen ku.”

Salmo 147:14

Mibeǥayan kew zin te kelinew ziyan te ed-ubpaan niw. Ne midhantey kew zin te meupiya he egkeenen.

Salmo 81:16

Iyan, sikiyu mulà is menge etew ku, ibpekaan ku sikiyu. Edhentayen ku sikiyu te utew meupiya he trigu wey teneb.”

Isaias 28:1

Mekehizuhizu is Samaria, he henduen be te kuruna he vulak, he ibpegalbu te menge lelenguten he menge pengulu te Israel. Heini he inged diyà mekepelastar te uuzaran he suǥud, piru egkaawà is kekempet din iring te vulak he egkeǥangu.

Isaias 28:4

Heini he inged diyà mekepelastar te uuzaran he suǥud, piru egkaawà is kekempet din iring te vulak he egkeǥangu. Segugunà heini egkezeeti. Iring te egkehuna egkelutui he menge beǥas te higus he edrupuen te ebpekaahà duen su egkeenen din.

Numero 18:12

Imbeǥey ku zaan keniyu is meupiya he menge sebpet he idhalad te menge Israilihanen he ebpuun te egkehuna he sebpet dan: lana te ulibu, binu, wey trigu.

Numero 18:29

Kinahanglan he iyan niw ivahin kedì is kineupiyahan he vahin he ibeǥey keniyu.

Deuteronomio 32:14

Mibeǥayan din sikandan te menge kisu wey ǥatas he ebpuun diyà te menge vaka wey kerehidu, wey mibeǥayan te melambù he menge kerehidu, wey kambing he ebpuun diyà te Bashan. Mibeǥayan din daan sikandan te memeupiya he menge trigu wey impeinum te kinemeupiyahan he vinu he ebpuun te paras.