Genesis 45:16 - Manobo Western Bukidnon OT

¹⁶ Ne hein netudtul haazà diyà te turuǥan te hadì te Ehipto he nemekeuma is menge suled ni Jose, utew nesuat kes hadì ne nesuat daan is menge upisyal zin.

Genesis 45:16 ပူးပေါင်းရင်းမြစ်များ

Genesis 16:6

Ne midtavak dutun si Abram diyà te ki Sarai te, “Emun iyan heeyan, idlikù ku sikandin diyan te kenikew ne bayèbayè ka ke hengkey is ed-ul-ulahan nu kandin.” Ne puun dutun, kenà meupiya is ebelan ni Sarai ki Hagar, umbe hein neuǥet ne mibpelaǥuy sikandin.

Genesis 20:15

Ne migkeǥiyan ni Abimelec si Abraham te, “Andam a te kebpeubpà keniyu kayi te tanè ku, ne iyan ka pilì ke hendei ka egkesuat he ed-ubpà.”

Genesis 34:18

Nesuat dutun si Hamor wey si Shekem.

Genesis 41:33

“Umbe, Mahal he Hadì, kinahanglan he ebpen-ahaan nu is sevaha he etew he uluwanen para egkehimu he iyan edumala te tanà te Ehipto.

Genesis 41:37

Ne haazà is hadì wey is menge upisyal zin, ingkesuat dan utew heini is sambag ni Jose.

Genesis 45:15

Ne midhezekan ni Jose is langun he menge kakey zin he edsineǥaw sikandin. Ne zutun human mekepekidlalag kandin is menge suled din.

Genesis 45:17

Migkaǥi haazà is hadì diyà te ki Jose te, “Keǥiyi nu is menge suled nu he iyan ibpeulaula ku kandan is: ‘Kergahi zan is menge asnu zan ne med-ulì dan diyà te Canaan.

2 Samuel 3:36

Utew nengelipey is menge etew zutun te migkaǥi ni David, wey kenà iyan dà ingkelipey zan haazà, kekenà, elin daan is langun he mibeelan ni David.

2 Cronica 30:4

Heini is pelanu te kedsilibra te pista nesuatan te hadì wey te langun he menge etew,

Ester 1:21

Ne haazà is hadì, wey sikan is lavew he menge upisyal zin, ingkesuat dan haazà is sambag, umbe mid-ulaula zutun te hadì haazà is insambag kandin ni Memucan.

Ester 2:4

Ne is egkesuatan nu he raǥa, ne iyan nu iliwan ki Bashti he rayna.” Nesuatan te hadì haazà is migkaǥi ziyà te kandin, umbe mibpezumdumahan din heini.

Ester 5:14

Ne migkaǥi ziyà te kandin is esawa zin wey is menge emiǥu zin te, “Pevaal ka te vitayà he 75 he giek is ketikang din ne keeselem ke meselem hengyui nu sikan is hadì he isuǥù din he vitayà dutun si Mordecai, su wey ka mebmelipayen he ebpekiduma te hadì te kedlavung.” Ne utew ingkesuat ni Haman haazà, umbe mibpevaal sikandin te vitayà.