Genesis 45:1 - Manobo Western Bukidnon OT

¹ Kenè en dutun egketigker ni Jose is gehinawa zin, umbe impeliǥawang din is menge suluǥuen din. Hein wazè en dutun menge etew he zuma ni Jose, mibepekilala sikandin te menge suled din.

Genesis 45:1 ပူးပေါင်းရင်းမြစ်များ

Genesis 42:24

Mid-awà dèpa si Jose ziyà te kandan su edsineǥew. Ne netetegteǥaad ne midlikù sikandin ne mid-uman mebpekidlalag kandan. Ne zutun mibpilì din si Simeon dutun te kandan ne impevakus din diyà te etuvangan dan.

Genesis 44:34

Su kenà a ebpekeulì diyà te amey ku emun kenà ebpekezuma is hazi ku. Kenè ku egkaantus is utew gerabi he kegkeseeng te amey ku.”

2 Samuel 1:20

Kenà heini tudtula ziyà te inged he Gat, minsan diyà te menge zalan te inged he Ashkelon, su kela ke ikelipey zà heini te menge vahi te menge Filistihanen he wazà mekekilala te Megbevayà.

2 Samuel 13:9

Hein nelutù en haazà, ne migkuwa zin heini su ibpekaan din ki Amnon, piru kenà egkaan si Amnon. Migkaǥi si Amnon te, “Ipeǥawas is langun he menge etew kayi!” Dutun nenggawas is menge etew.

Isaias 42:14

Egkaǥi sikandin te, “Neuǥet en he timpu he mibpereremek e zà wey mid-eǥen ku is gehinawa ku. Iyan, guntaan ibuswang ku en is pauk ku. Ebpengulahì a he ebpekeeǥes-eǥes iring te vahi he edheǥed is ebeliliten.

Jeremias 20:9

Usahay ebpekekaǥi a te kenà ad egkaǥi mehitenged kenikew wey ebpenudtul te menge lalag nu. Piru kenè ku egkeeǥen, su is menge lalag nu henduen be te hapuy he egkeregreg diyà te gehinawa ku wey menge tulan ku. Neveley a te ked-eǥen kayi para kenè ku pezem mekaǥi.

Zacarias 12:10

“Ebeǥayan ku is menge kevuwazan ni David wey is menge meǥinged diyà te Jerusalem te ǥehinawa he hihizuwen wey meinempuen. Edtengtengan e zan is midhimetayan dan, ne edsineǥew sikandan iring te ginikanan he midsineǥew tenged te kebpatey te vudtung he anak din etawa kinekekayan he anak din.