Genesis 43:9 - Manobo Western Bukidnon OT

⁹ Iyan a ebantey kandin ne iyan a ebpesarig kenikew he emun kenè ku sikandin igkeulì dini te etuvangan nu ne kediey he salà diyà te kenikew te wazà pidtemanan.

Genesis 43:9 ပူးပေါင်းရင်းမြစ်များ

Genesis 31:39

Wazè ku en uwita ziyan te kenikew is menge uyaǥen nu he midhimetayan te menge zumezaas he menge langgam; segugunè ku heini ed-ilisi. Mibpeveyazan nu zaan kedì is menge uyaǥen nu he midtakew te timpu te maandew wey te mezukilem.

Genesis 42:37

Ne migkaǥi si Reuben diyà te amey zin te, “Amà, iyan e en metau ki Benjamin. Himetayi nu is menge anak ku he zezuwa emun kenè ku sikandin egkezuma te ed-ulì dini te kenikew.”

Genesis 43:10

Angin ke wazè key mesanggen su kezezuwa key en pezem mekehendiyà wey mekeulì dini.”

Genesis 9:5

Ke zuen etew wey minsan langgam he ibpetiǥis din is lengesa niw te menusiyà wey kew mebpatey, ebelesan ku. Ebelesan ku is minsan hentei he ebunù te zuma zin he etew.

2 Samuel 14:9

Migkaǥi haazà is bahi te, “Mahal he Hadì, ke zuen edsumbung kenikew tenged te mid-uǥupan a kenikew, ne televaken ku wey te pemilya ku heeyan ne kenà kenikew.”

1 Hadì 1:21

Emun kenè ka edisisyun, ne siak wey is anak ta he si Solomon ed-isipen he meluiven emun ebpatey ke en.”

Job 17:3

He Megbevayà, tevangi a wey a melibri. Wazè en duma he ebpeketavang kedì, kekenà, iyan ke zà.

Salmo 119:122

Peseriǥi a he edtevangan a kenikew is suluǥuen nu; kenè nu mehimuwa he edèdaaǥen a te menge gelbuwen.

Ezekiel 3:18

Emun egkaǥi a ziyà te sevaha he etew he lalung he ebpatey sikandin, piru wazè nu sikandin petizeeni he engkezi zin is mezaat he vaal zin su wey kenè mebpatey, ne ebpatey haazà is lalung he etew tenged te salè din, ne edsukutan ku sikew tenged te kemetayen din.

Ezekiel 3:20

Emun ed-engked he edtinazeng is metazeng he etew su ebaal te salà, ne emun ebey-anan ku en sikandin, ebpatey sikandin. Emun wazè nu sikandin petizeeni, ebpatey sikandin tenged te salè din, ne kenè ku en edtentenuzan is meupiya he menge vaal zin. Piru edsukutan ku sikew tenged te kemetayen din.

Ezekiel 33:6

Iyan, emun naahà duen te vantey is ebpelingguma he menge kuntada piru wazè din ipezaǥing is trumpita te kebpetizaan te menge etew, ne emun duen ebpatey kandan dutun te kedsurunga kandan, edsukuten ku zutun te vantey is kemetayen dan minsan iyan ibpatey zan is tenged te salè dan.”

Ezekiel 33:8

Emun egkeǥiyan ku is lalung he etew he siguradu he ebpatey sikandin tenged te salè din ne wazè nu sikandin keǥiyi he engkezi zin is mezaat he menge vaal zin, iyan ka edsukutan ku te kemetayen din. Iyan, emun migkeǥiyan nu haazà is lalung he etew he engkezi zin is mezaat he menge vaal zin, ne wazè din seǥipaa is migkaǥi nu, ebpatey sikandin tenged te salè din, piru wazè nu televaken dutun te kemetayen din.