Genesis 43:8 - Manobo Western Bukidnon OT

⁸ Ne zutun migkaǥi si Juda ziyà te amey zin he si Israel te, “Isarig nu kediey si Benjamin ne egenat key en guntaan su wey kiw kenà meumes te vitil.

Genesis 43:8 ပူးပေါင်းရင်းမြစ်များ

Genesis 42:2

Nezineg ku he zuen kun egkeenen diyà te Ehipto. Hendiyè kew ne pemasa kew te egkeenen su wey kiw kenà mebpatey kayi te vitil.”

Genesis 42:38

Piru midtavak si Jacob te, “Kenà egkehimu he ibpezuma ku keniyu si Benjamin. Minatey en is kakey zin ne iyan dà sikandin nesamà is sebsevaha. Kele ke zuen mezaat he egkeulaula kandin diyà te hipenawan, ne siak meǥurang e en, kela ke iyan ibpatey ku is kegkeseeng ku.”

Genesis 44:20

Ne midtavak key te duen dey iyan amey he meǥurang en utew wey zuen dey pa hazi he in-anak te meǥurang en utew is amey zey. Iyan dà sikandin nesamà te menge anak te iney zin su minatey en is kakey zin. Ne utew sikandin pinelanggà te amey zey.

Genesis 44:26

Ne migkaǥi key zutun he kenè key ebpekelikù. Wey key zà ebpekelikù ke egkezuma zey is hazi zey su migkaǥi key he kenà egkehimu he ebpekeetuvang key kenikew emun kenà ebpekezuma is hazi zey.

Genesis 45:19

Keǥiyi nu sikandan he med-uwit dan te menge kerumata he ebpuun kayi te Ehipto he egkeuntuzan te menge esawa zan wey te menge anak dan wey zan mekahalin dini. Ne uwita zan dini is amey zan.

Genesis 50:21

Umbe kenè kew mahandek su ed-elimahan ku sikiyu wey is menge anak niw.” Iyan heini menge lalag din kandan he menayù su wey mekesarig dan kandin.

Genesis 50:8

Ne miduma zaan is langun he menge sakup ni Jose, is menge suled din wey is menge sakup te amey zin. Ne iyan dà nesamà diyà te Goshen is menge anak dan wey is menge uyaǥen dan.

2 Hadì 7:13

Ne midtavak is sevaha zuen te menge upisyal zin te, “Duen pa nesamà he lelima he menge kudè tew, ne meupiya ke edsuǥù kiw te egkepipira he etew te kedsusi ke hengkey is nehitavù? Maambe en ke himetayi sikandan, su emun kayi zan dà ne ebpatey gihapun sikandan duma kenitew.”

2 Hadì 7:4

Emun edseled kiw ziyà te inged ne ebpatey kiw te kegkevitil, ne emun edtulung kiw zà ebpimpinuu kayi, ebpatey kiw ǥihapun. Umbe nasì kiw en edhendiyà te kampu te menge Aramihanen ne edsurindir kiw. Ne emun kenè kiw zan ebmenuwen, ne meupiya, piru emun edhimetayan kiw zan ne maambe en.”

Ezra 8:21

Hein diyè key te veyvey te Wahig he Ahava, migkeǥiyan ku is menge zuma ku zutun te grupu zey te ebpuasa key wey ebpekevevaan dey is keugelingen dey ziyà te etuvangan te Megbevayè dey su edhangyù key ziyà te kandin he ventayi key zin dutun te hipenawan dey, ragkes is menge anak dey wey menge azen dey.

Salmo 118:17

Kenè e pa ebpatey, kekenà, ebpedayun e pa he uuyag, su wey ku ikeseysey is mibpemeelan te Nengazen.

Exodus 20:12

“Tehuza niw is amey niw wey iney niw, su para luǥeyazi kew te untung ne egkeuǥet is ked-ubpè niw zutun te tanà he ibeǥey ku keniyu.

Numero 14:31

Ne sikan mulà is menge anak niw he egkeǥiyen niw he ebihaǥen, ne ed-uwiten ku sikandan duen te tanà he mid-engkezan niw ne egkaangken dan heini.

Deuteronomio 33:6

Mehitenged te tribu ni Reuben migkaǥi si Moises te, “Berakat he kenà maawà is menge kevuwazan ni Reuben minsan pa te zeisey zà sikandan.”