Genesis 42:6 - Manobo Western Bukidnon OT

⁶ Ne iyan si Jose gubirnedur te tivuuk he ǥinhedian te Ehipto, iyan sikandin ebelegyà te egkeenen diyà te tivuuk he menge meǥinged dutun. Ne zutun te kebpekeuma te menge kakey zin, midluhud dan diyà te etuvangan ni Jose he iyan kedtahud dan.

Genesis 42:6 ပူးပေါင်းရင်းမြစ်များ

Genesis 18:2

Mibpememantew si Abraham ne neehè din is tetelu he maama ziyà te uvey. Ne zutun te kegkaahaa zin, migaanggaan medsinuǥung ne midlangkeb diyà te tanà su edtahud.

Genesis 19:1

Ne haazà is dezuwa he menge velinsuǥuen te Nengazen, hein nekeuma zan diyà te inged he Sodom ne mahapun en, diyà si Lot ebpimpinuu te uvey te pultahan dutun te inged. Ne hein neehè din sikandan, midhitindeg sikandin ne midsinuǥung din ne midlangkeb sikandin diyà te tanà te kedtahud, he egkaǥi te,

Genesis 33:3

Ne iyan sikandin midhuna te langun kandan ne kepipitu sikandin medlangkeb diyà te tanà dutun te ked-uvey zin diyà te kakey zin.

Genesis 41:43

Ne insuǥù din he ibpeuntud si Jose te ikezuwa he lavew he kerwahi zin, ne insuǥù din daan he zuen menge etew he edhuna ki Jose wey zan mekevensag te, “Luhud kew!” Ne iyan haazà neulaula hein insarig duen te hadì te Ehipto ki Jose is kebayàbayà te tivuuk he ǥinhedian din he Ehipto.

Genesis 41:54

ne neume en haazà is pitu he tuig he vitil sumalà is netagnà ni Jose. Mibitil is menge meǥinged te minsan hendei he ǥinhedian, iyan, duen mulà egkeenen diyà te ǥinhedian he Ehipto.

Genesis 41:57

Ne zuen menge etew he ebpuun te langun he menge zuma he ǥinhedian ne midhendiyè dan te Ehipto, su ebpemasa zan te egkeenen diyà te ki Jose, su mepait daan is bitil ziyà te minsan hendei he lugar.

Genesis 44:14

Ne hein nekeuma si Juda wey is menge suled din, ne zutun ded si Jose te valey zin. Midseled sikandan dutun te valey ne midluhud dan diyà te etuvangan ni Jose.

Genesis 45:26

Hein nekeuma zan diyà, midtudtulan dan is amey zan te uuyag pa si Jose, ne iyan sikandin ebayàbayà te tivuuk he ǥinhedian te Ehipto. Ne netentanan dutun si Jacob ne wazà mekekaǥi; henduen te kenà dutun ebpeketuu sikandin.

Genesis 45:8

Umbe, kenè kew iyan mibpuwit kayi kedì, kekenà, iyan is Megbevayà. Midhimu e zin he peresambag te hadì kayi te Ehipto wey ibpezumala te pemilya zin, wey edumala te tivuuk he ginhedian te Ehipto.

Genesis 48:12

Ne migkuwa ni Jose is menge anak din he midsekepu ni Israel, ne midlangkeb sikandin he iyan kedtahud din te amey zin.

Erubasa 11:26

Edrewakan te menge etew is etew he idsekel zin is keuyaǥan, iyan, ebpenubtuvazan dan mulà is andam he ebelegyà te keuyaǥan su wey metevangi is duma.

Isaias 60:14

Is menge kevuwazan te menge midaagdaag kenikew, ed-uvey ziyà te kenikew is edunghuy. Edluhud diyà te uvey te menge paa nu is menge midsudì kenikew, ne egngezanan ke zan he ‘Inged te Nengazen,’ etawa ‘Zion he Inged te Waǥas he Megbevayà te Israel.’

1 Samuel 20:41

Hein neipus kes batà, midlepew si David dutun te kilid te vatu he mid-elesan din, ne midluhud sikandin diyà te ki Jonatan te ketetelu he iyan kedtahud din kandin. Ne mibpehezekè dan is edsineǥew. Utew neseeng si David.