Genesis 42:2 - Manobo Western Bukidnon OT

² Nezineg ku he zuen kun egkeenen diyà te Ehipto. Hendiyè kew ne pemasa kew te egkeenen su wey kiw kenà mebpatey kayi te vitil.”

Genesis 42:2 ပူးပေါင်းရင်းမြစ်များ

Genesis 42:3

Ne zutun midhendiyà te Ehipto is sepulù he kakey ni Jose su ebpemasa zan te egkeenen.

Genesis 43:2

Ne hein naamin dan en is egkeenen he migkuwa zan diyà te Ehipto migkaǥi si Jacob diyà te kandan te, “Hendiyè kew en maan wey kew mekepemasa te egkeenen tew minsan deisey zà.”

Genesis 43:4

Ne emun ibpezuma nu si Benjamin edhendiyè key ne ebpemasa key te egkeenen tew.

Genesis 43:8

Ne zutun migkaǥi si Juda ziyà te amey zin he si Israel te, “Isarig nu kediey si Benjamin ne egenat key en guntaan su wey kiw kenà meumes te vitil.

Genesis 45:9

Ne ǥuntaan, gaanggaan kew ulì diyà te amey tew ne keǥiya niw kandin he is anak din he si Jose ne midhimu te Megbevayà he iyan ebayàbayà te tivuuk he ginhedian te Ehipto. Ne keǥiyi niw sikandin te ibpeǥaanggaan ku ibpehendini.

Salmo 118:17

Kenè e pa ebpatey, kekenà, ebpedayun e pa he uuyag, su wey ku ikeseysey is mibpemeelan te Nengazen.

Salmo 33:18

Ebentayan te Nengazen is menge edtahud kandin, he edsarig te kebmahala zin kandan.

Salmo 33:19

Iyan sikandin edlibri kandan te kemetayen wey ed-uyag kandan emun timpu te vitil.

Isaias 38:1

Dutun he timpu, nezeruwan si Hezekia ne henduen be te ebpatey en. Midhendiyà te kandin is ebpeneuven he si Isaias he anak ni Amoz ne migkaǥi te, “Migkaǥi is Nengazen he veeli nu en is egkesuatan nu te ebaal su kenè ke en egkeulian, kekenà, ebpatey kad.”