Genesis 42:16 - Manobo Western Bukidnon OT

¹⁶ Kinahanglan he ebpeveyaan te sevaha keniyu is hazi niw. Is duma keniyu ne ebpirisuwen ku su egezaman ku sikiyu wey ku metueni ke teruen kew. Su emun kenà tutuu is migkaǥi niw ne egketuenan ku he tutuu ves iyan he iyan inhendini niw is kebpeniid.”

Genesis 42:16 ပူးပေါင်းရင်းမြစ်များ

Genesis 42:11

Su menge anak key pudu te sevaha zà he etew. Kenè key teruen su sikami is menge suluǥuen nu, kenà iyan dey inhendini is kebpeniid!”

Genesis 42:30

“Sikan is gubirnedur he impevayàbayà te tivuuk he ginhedian, mid-eǥetan key zin he migkaǥi te iyan inhendiyè dey is kebpeniid kandan.

2 Samuel 10:3

migkaǥi is menge upisyal te menge Amunihanen diyà te ki Hanun te, “Kunaan nu vuwa ke egketenuzan ni David is amey nu kayi te kedsuǥù din te menge etew para ed-unung kenikew te kelised? Kenà, su midsuǥù din buwa sikandan su para ibpepeniid te inged tew su wey kiw zin mezezeeti?”

Josue 2:1

Ne zutun meeles he midsuǥù ni Josue is dezuwa he etew puun te kampu te menge Israilihanen diyà te Shitim su para mekepeniid diyà te Canaan, lavew en te inged he Jerico. Ne hein nekeuma ziyà te Jerico haazà is dezuwa he meniniid, ne ziyè dan medateng te valey ni Rahab; heini he vahi ebelegyà te zengeg din.