Genesis 42:10 - Manobo Western Bukidnon OT

¹⁰ Ne midtavak dan te, “Es! Es! Kenà iyan, datù, su sikami is menge suluǥuen nu, iyan dey zà inhendini is kebpemasa te egkeenen.

Genesis 42:10 ပူးပေါင်းရင်းမြစ်များ

Genesis 27:29

Berakat he mezakel he menge tribu is egkehimu menge suluǥuen nu, wey edtahud dan kenikew. Berakat he iyan ka mehimu he egalen te menge suled nu, wey medtahud kenikew is menge hazi nu. Berakat he is edrawak kenikew ne iyan merewaki, ne tuvazi mulà is ebpenuvadtuvad kenikew.”

Genesis 27:37

Ne midtavak si Isaac te, “Midhimu ku en he iyan sikandin egalen nu ne is langun he menge kezuzumahi zin ne midhimu ku en he menge suluǥuen din. Impenuvadtuvad ku en diyà te kandin is idsegkayà he egkekaan wey egkeinum. Umbe wazè en egkehimu ku para kenikew?”

Genesis 37:8

Migkaǥi haazà is menge suled din te, “Hengkey? Egkehimu ka edhadì wey ebayàbayà kenami?” Umbe mid-iseg pa is kegkepeuki zan ki Jose.

Genesis 42:11

Su menge anak key pudu te sevaha zà he etew. Kenè key teruen su sikami is menge suluǥuen nu, kenà iyan dey inhendini is kebpeniid!”

Genesis 44:9

Emun duen kayi te kenami egkaahaan nu keniyan te tasa he nekaǥi nu, himetayi sikandin ne uripena key is duma.”

1 Hadì 18:7

Ne zutun te kedhipanew ni Obadias, neuma zin si Elias. Nekilala zin si Elias umbe midluhud sikandin te kedtahud ki Elias, ne ke sikandin te, “Iyan ke ve heeyan, Datù Elias?”

1 Samuel 26:17

Nekilala ni Saul is laǥeng ni David, umbe migkaǥi sikandin te, “David, mama, iyan ke ves heeyan?” Midtavak si David te, “Uya, iyan a heini, Mahal he Hadì.