Genesis 41:54 - Manobo Western Bukidnon OT

⁵⁴ ne neume en haazà is pitu he tuig he vitil sumalà is netagnà ni Jose. Mibitil is menge meǥinged te minsan hendei he ǥinhedian, iyan, duen mulà egkeenen diyà te ǥinhedian he Ehipto.

Genesis 41:54 ပူးပေါင်းရင်းမြစ်များ

Genesis 41:27

Ne haazà is pitu he vaka he memeǥasà wey memezaat wey haazà is pitu he pungu te parey he mid-ukap ne iyan ibpaalung dutun is pitu he tuig he vitil.

Genesis 41:30

Piru zuen daan pitu he tuig he vitil he ebpekesunud dutun te egkehuna he pitu he tuig ne tenged dutun egkelipatan en haazà is nehuna he menge tuig he zekelà is egkeenen su haazà is bitil ebpekezezaat kayi te tanà te Ehipto.

Genesis 41:53

Ne nepangkus haazà is pitu he tuig he utew zekelà is neraǥun diyà te Ehipto,

Genesis 42:2

Nezineg ku he zuen kun egkeenen diyà te Ehipto. Hendiyè kew ne pemasa kew te egkeenen su wey kiw kenà mebpatey kayi te vitil.”

Genesis 43:1

Ne utew en mid-iseg haazà is bitil ziyà te Canaan.

Genesis 45:11

Ne emun diyè en sikandin te Goshen, ne ed-elimahan ku sikandin su zuen pa lelima he tuig he vitil he ebpeebuten. Kenè ku egkesuatan he egkeumes sikandin wey is menge pemilya zin ragkes is menge uyaǥen din.”

Genesis 47:13

Ne zutun, mid-iseg pa utew is bitil, umbe wazè en keuyaǥan diyà te minsan hendei he lugar. Is menge meǥinged diyà te Ehipto wey ziyà te Canaan, ne utew zan midlised tenged dutun te vitil.

2 Hadì 8:1

Dutun te nehuna he timpu migkeǥiyan ni Elisha sikan is bahi he mibanhew ni Elisha is anak din te, “Dumaha nu is pemilya nu ne ziyè kew upbà te selakew en he lugar, su migkaǥi is Nengazen te egkehitavù is pitu he tuig he vitil kayi te Israel.”

Salmo 105:16

Mibpengelinteuwan te Megbevayà he mehitavù is bitil ziyà te Canaan. Mid-amin din kuwaa is langun he keuyaǥan dan.