Genesis 41:52 - Manobo Western Bukidnon OT

⁵² Ne haazà is hazi he anak din, migngezanan din ki Efraim su ke sikandin te, “Midhimu te Megbevayà he mebmeuswaǥen a zini te tanà he mezakel is menge kemereǥenan ku.”

Genesis 41:52 ပူးပေါင်းရင်းမြစ်များ

Genesis 17:6

Edhimuwen ku he mepurung mevuwad is menge kevuwazan nu, ne egkehimu sikandan he zekelà he nasyun, ne is duma kandan ne egkehimu he menge hadì.

Genesis 28:3

Berakat he tuvazi ka te Megbevayà he Mekeǥeǥehem, ne veǥayi ke zin te mezakel he kevuwazan, su wey ka mehimu he amey te mezakel he grupu te menge etew.

Genesis 41:51

Is kakey he anak ni Jose, ne migngezanan din ki Manase su ke sikandin te, “Geina te midhimu te Megbevayà he melipati ku is langun he menge keseengan ku wey is kebulunga ku te amey ku wey menge kezuzumahi ku.”

Genesis 41:53

Ne nepangkus haazà is pitu he tuig he utew zekelà is neraǥun diyà te Ehipto,

Genesis 48:1

Neuma is timpu he netudtulan si Jose he edezaru is amey zin he si Jacob. Umbe miduma zin is dezuwa he anak din he si Manase wey si Efraim ne midhendiyà dan te amey zin.

Genesis 48:14

Ne si Israel, impedlambid din is menge velad din ne ingkawè din is kewanan he velad din ne indampè din te purù ni Efraim minsan pa te iyan si Efraim hazi. Ne is givang he velad din indampè din diyà te purù ni Manase he iyan sikan is kakey.

Genesis 48:5

Ne ke si Jacob en maan te, “Ne ǥuntaan, sikan is dezuwa he anak nu he maama he kayi ianak te Ehipto te wazè e pa mekeuma zini, ne egkeragkes sikandan te kediey he menge anak. Kediey en si Efraim wey si Manase, iring te menge anak ku zaan si Reuben wey si Simeon.

Genesis 49:22

“Sikew Jose, iring ka te meseǥila he asnu he ziyà te kilid te serebseb etawa ziyà te kelendiǥan.

Genesis 50:23

Neseutan pa sikandin te menge apù din te veul he menge kevuwazan ni Efraim. Ne neseutan pa zaan sikandin te menge apù din he menge anak ni Makir he anak ni Manase.

Amos 6:6

Kehizu niw te utew vuleǥuk te vinu wey egamit te mahalen he menge pehemut, piru wazà meseeng te edtelinguma he kezeetan te nasyun niw.

Numero 26:28

Is menge kevuwazan ni Jose ebpuun diyà te zezuwa he anak din he si Manase wey si Efraim.

Josue 16:4

Iyan heini kevahin te tanà he naangken te tribu ni Manase wey ni Efraim te menge kevuwazan ni Jose.

Josue 17:1

Duen daan tanà he imbeǥey para te kevuwazan ni Manase te kakey he anak ni Jose. Is Gilead wey is Bashan he ziyà dapit te edsilaan te Wahig he Jordan imbeǥey ziyà te pemilya ni Makir su ǥeina te beǥani sikandin. (Si Makir he amey ni Gilead, iyan kinekekayan he anak ni Manase.)

1 Samuel 1:20

Ne zutun mibmeǥingey sikandin, ne neuma is penahun ne mid-anak sikandin te maama. Migngezanan te Samuel, su ke sikandin te, “Geina te mibuyù ku sikandin diyà te Nengazen.”