Genesis 41:5 - Manobo Western Bukidnon OT

⁵ Ne midlipezeng en maan sikan is hadì ne nekeuman meketeǥeinep. Ne zutun te teǥeinep din duen neehè din he menge pungu he utew memeupiya wey memetiugkey.

Genesis 41:5 ပူးပေါင်းရင်းမြစ်များ

Genesis 40:5

Sevaha zutun he mezukilem, neketeǥeinep kes pereuwit te inumen wey mememaal te supas dutun te kemulu pa sikandan nepirisu. Uman sevaha kandan ne selakew is teǥeinep din wey selakew is kehuluǥan te teǥeinep din.

Genesis 41:4

Ne heini is nengehuziyan he vaka he memeǥasà wey memezaat, migkaan dan haazà is nengehuna he utew memelambù wey memeupiya. Ne zutun nepukew haazà is hadì.

Genesis 41:6

Ne huziyan dutun duen mibpenuvù he pitu zaan he pungu he mid-ukap dà he nezeetan te keramag he ziyà ebpuun te edsilaan.

Deuteronomio 32:14

Mibeǥayan din sikandan te menge kisu wey ǥatas he ebpuun diyà te menge vaka wey kerehidu, wey mibeǥayan te melambù he menge kerehidu, wey kambing he ebpuun diyà te Bashan. Mibeǥayan din daan sikandan te memeupiya he menge trigu wey impeinum te kinemeupiyahan he vinu he ebpuun te paras.