Genesis 41:49 - Manobo Western Bukidnon OT

⁴⁹ Utew zekelà he parey he trigu is impezerengdeng ni Jose; iring kezekelà haazà is parey te pantad diyà te veyvey te zaǥat. Ne ǥeina te utew haazà dekelà mid-engkezan en ni Jose is kedtimbanga wey kebilanga zuen su kenè en egkengevilang.

Genesis 41:49 ပူးပေါင်းရင်းမြစ်များ

Genesis 41:48

Ne heini he menge tuig, impetiǥum ni Jose is langun he nekulikta he ebpuun te menge neraǥun. Ne impezerengdeng din diyà te kada inged is menge neraǥun he ebpuun te menge vevesukà diyà te pelingut kayi.

Genesis 41:50

Ne te wazè pa meuma sikan is pitu he tuig he vitil duen dezuwa he anak he maama ni Jose he in-anak te esawa zin he si Asenat, sikan is anak ni Potifera he memumuhat diyà te On.

Job 1:3

Duen din 7,000 he menge kerehidu, 3,000 he menge kemilyu, 500 he paris he vaka, wey 500 he menge vehiyan he menge asnu. Ne zuen din daan mahabet he menge suluǥuen. Iyan sikandin pinekesepian te langun he menge etew ziyà te zapit te edsilaan te Israel.

Salmo 78:27

Ne mibpantad is menge tagbis he impeuzan-uzan din diyà te kandan.

Jeremias 33:22

Ibpemahabet ku is menge kevuwazan ni David he suluǥuen ku wey ni Levi he iring kahabet te menge vituen diyà te langit wey pantad diyà te veyvey te zaǥat he kenà egkevilang.”

Zatù 6:5

Ebpekeuma zan he ed-uwit te menge tulda zan wey menge uyaǥen dan. Kenà egkevilang is kahabet dan ragkes is menge kemilyu zan. Ne nekeveǥey sikandan te kezeetan diyà te tanà te menge Israilihanen.

Zatù 7:12

Is menge Midianhen, menge Amalikanhen, wey zuma pa he menge etew he ebpuun diyà te edsilaan, migkampu ziyà te menge suǥud he henduen be te kahabet te terapan is kahabet dan. Is menge kemilyu zan henduen be te kahabet te pantad diyà te veyvey te zaǥat he kenà egkevilang.

1 Samuel 13:5

Nengandam is menge Filistihanen te kebpekidtebek te Israilihanen. Duen dan 3,000 he kerwahi, 6,000 he menge pereuntud te kudà, wey utew mezakel he menge sundaru, su iring dan te pantad diyà te veyvey te zaǥat. Midhendiyè dan te Micmash, he zapit te edsilaan te Bet Aven, ne ziyè dan megkampu.