Genesis 41:45 - Manobo Western Bukidnon OT

⁴⁵ Ne migngezanan dutun te hadì si Jose te si Zafenat Panea, ne impepengesawa zin ki Asenat he anak ni Potifera he iyan lavew he memumuhat diyà te inged he On. Ne nehimu si Jose he gubirnedur te tivuuk he ǥinhedian te Ehipto.

Genesis 41:45 ပူးပေါင်းရင်းမြစ်များ

Genesis 14:18

Ne zuen hadì te inged he Salem he si Melkizedek he midsinuǥung daan kandan. Mid-uwit sikandin te supas wey vinu su ibpekaan din wey ibpeinum din ki Abram. Memumuhat si Melkizedek te Utew Lavew he Megbevayà.

Genesis 41:50

Ne te wazè pa meuma sikan is pitu he tuig he vitil duen dezuwa he anak he maama ni Jose he in-anak te esawa zin he si Asenat, sikan is anak ni Potifera he memumuhat diyà te On.

2 Samuel 20:26

Ne si Ira he tig-Jair iyan keugelingen ni David he memumuhat.

2 Samuel 8:18

Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada. Ne is menge anak ni David he menge maama, iyan megsesambag din.

Exodus 2:16

Ne zutun, is pitu he anak he vahi te memumuhat diyà te Midian, midhendiyè dan te kalut su edsekezu te ibpeinum te menge uyaǥen te amey zan.

Jeremias 43:13

Edrupeten din is menge segradu he tukud diyà te Betshemes he diyà te tanà he Ehipto, ne ebinsulan din is menge simbahan he para te zuma he menge ed-ezapen diyà te Ehipto.’ ”

Ezekiel 30:17

Ebpematey te tebek is menge vetan-en he maama ziyà te Heliopolis wey ziyà te Bubastis, ne is egkesamà he uuyag kayi he menge inged ne ebihaǥen.

Daniel 1:7

Ne mid-ilisan ni Ashpenaz is menge ngazan dan. Si Daniel ne iyan si Belteshazar, si Hanania iyan si Shadrac, si Mishael iyan si Meshac, ne si Azaria iyan si Abednego.